Almaty qalalyq sotynyń qylmystyq ister jónindegi sot alqasy ál-Farabi dańǵylynda bolǵan jol-kólik oqiǵasyna kináli dep tanylǵan Aleksandr Pakqa qatysty birinshi satydaǵy sot úkimin ózgerissiz qaldyrdy, dep habarlaidy dalanews.kz.
Is jábirlenýshi Rústem Shotenov pen onyń advokatynyń apelliatsiialyq shaǵymy boiynsha qaralǵan.
Sot otyrysyna alqa tóraǵasy Anar Malikova, sýdialar Rýstam Baishev pen Altynhan Altynhanov qatysty. Sondai-aq protseske prokýratýra ókili, sottalǵan Aleksandr Pak, onyń qorǵaýshysy jáne jábirlenýshi taraptyń ókilderi qatysqan.
Sot alqasy Almaty qalasynyń mamandandyrylǵan aýdanaralyq qylmystyq sotynyń 2026 jylǵy 22 maýsymdaǵy úkimin qaita qarap, ony ózgerissiz qaldyrý týraly sheshim qabyldady.
Osylaisha, jábirlenýshi men onyń advokaty bergen apelliatsiialyq shaǵym qanaǵattandyrylmady.
Sot qaýlysy jariialanǵan sátten bastap zańdy kúshine endi.
Sonymen qatar taraptar qaýlyǵa qatysty kassatsiialyq tártippen shaǵym túsirýge nemese narazylyq keltirýge quqyly. Mundai ótinishter sottalǵannyń jaǵdaiyn nasharlatatyn negizder boiynsha bir jyl ishinde berilýi múmkin. Al sottalǵannyń jaǵdaiyn jaqsartýǵa baǵyttalǵan shaǵymdar úshin merzimdik shekteý qarastyrylmaǵan.
