2025 jyldyń basynda ekinshi deńgeidegi bankterdiń aktivteri 61,6 trln teńgege jetti, bul kólem JIÓ-niń 47,8 -yn quraidy. Onyń ústine bul kórsetkish ótken jylmen salystyrǵanda 2,6 paiyzdyq tarmaqqa ósti. Osy jaǵynan alǵanda, bank sektorynyń ekonomikaǵa yqpalynyń artyp kele jatqany baiqalady, dep habarlaidy Dalanews.kz.
2025 jylǵy 1 qańtardaǵy jaǵdai boiynsha, Qazaqstanda 21 kommertsiialyq bank jumys isteidi, onyń ishinde sheteldikterdiń qatysýymen 12 bank jáne 9 enshiles bank bar. Bir jyl ishinde bank sektorynyń aktivteri 19,7%-ǵa (10,1 trln teńgege) ósip, 61,6 trln teńgege jetti. Ósimniń negizgi kózi, Ulttyq Banktiń málimetinshe, ssýdalyq jáne memlekettik baǵaly qaǵazdar qorjyndarynyń qampaiýy. EDB-niń nesie portfeli 20%-ǵa ulǵaiyp, 35,8 trln teńgeni qurady.
Bank mindettemeleri de 52,7 trln teńgege jetip, 18,1% (nemese 8,1 trln teńgege) aitarlyqtai ósimdi kórsetti. Bank mindettemeleri negizinen depozittik bazanyń keńeiýi turǵysynda artty. Jeke tulǵalardyń salymdary 4,2 trln teńgege (nemese 20,4% - ǵa) ósip, 24,6 trln teńgeni qurady. Zańdy tulǵalardyń salymdary 22,1% - ǵa ósip, 17,9 trln teńgege deiin ulǵaidy.
Bankterdiń menshikti kapitaly 26%-ǵa ósip, 9,4 trln teńgege jetti, dep jazady Finprom. Bul ótken jyldar men aǵymdaǵy jyldardan paidalanylmai qalǵan paida kóleminiń 1,7 trln teńgege ulǵaiýyna bailanysty boldy. Kapitaldyń jetkiliktilik koeffitsientteri normativtik talaptardan edáýir joǵary: menshikti kapitaldyń jetkiliktilik koeffitsienti (k2) 22%, al negizgi kapitaldyń jetkiliktilik koeffitsienti (k1) 20,4% qurady. Bul bankterge 4,5 trln teńge kóleminde kapital qoryn qalyptastyrýǵa múmkindik berdi.
Bank sektorynyń ótimdilik deńgeii de joǵary. Ótimdilikti qamtý koeffitsienti (LCR) 231% (!), al turaqty qorlandyrýdyń taza koeffitsienti (NSFR) 136,7%-dy qurady. Bul kórsetkishter bankterdiń táýekelderdi tiimdi basqarý jáne salymshylar qarajatynyń alyný yqtimaldyǵynyń aldyn alyp, qamtamasyz etilgen turaqtylyq qabiletin tanytady.
Ekinshi deńgeidegi bankterdiń taza paidasy bir jylda 17%-ǵa artyp, 2 555,4 mlrd teńgeni qurady, bul rekordtyq kórsetkish bolyp tabylady.
Qoryta kelgende, qarastyrylǵan barlyq kórsetkishter Qazaqstannyń bank sektorynyń syrtqy jaǵymsyz faktorlarǵa qarsy tura biletinin jáne turaqtylyǵyn rastaidy. Halyqaralyq reitingtik agenttikter de otandyq bankterdiń beriktigin joǵary baǵalaidy.
