Jambyl oblysynda sot burynǵy máslihat depýtaty Damir Tashqaraevtyń apelliatsiialyq shaǵymyn qarap, ony qanaǵattandyrmady. Tashqaraev Amanat partiiasy quramynan shyǵarylyp, depýtattyq mandatynan aiyrylǵannan keiin, bul sheshimmen kelispei, sotqa júgingen edi, dep habarlaidy Dalanews.kz Informburo.kz saityna silteme jasap.
Másele maýsym aiynda bastalǵan. Máslihattyń sessiiasynda Tashqaraev Jambyl oblysynyń ákimine tosynnan suraq qoiyp, baiandamany keiinge qaldyrýdy usynyp, Taraz qalasyna qosylǵan 14 aýyldyń taǵdyryna qatysty naqty jaýap suraǵan. Ákim keshirim surap, jiyn jalǵasqan. Alaida birneshe kúnnen soń máslihat hatshysy partiiaǵa hat joldap, artynsha depýtat partiiadan shyǵarylyp, mandatynan aiyryldy. Oblystyq filialdyń basshysy ony “haip qýalady” jáne “partiialyq etikany buzdy” dep aiyptaǵan.
Buǵan deiin Taraz qalalyq soty da Tashqaraevtyń talabyn qanaǵattandyrmaǵan edi. Al 14 shildede apelliatsiialyq alqa sýdiasy Ainur Kenjebekova bul sheshimdi ózgerissiz qaldyrdy. Ol taraptarǵa sheshimdi bir ai ishinde qaita qaraýǵa ótinish bildirý quqyǵy baryn eske saldy.
Tashqaraev bolsa, ózine jasalǵan ádiletsizdikti dáleldeý úshin kúresti jalǵastyratynyn málimdegen.
