Premer-ministr Oljas Bektenov jergilikti jerlerdegi ákimderdiń jumysyn synǵa aldy, - dep habarlaidy Dalanews.kz.
Úkimet basshysynyń aitýynsha, jylý elektr ortalyqtarynyń máselesine kelgende atústi qaramaý kerek.
"Jergilikti jerlerde ákimderdiń jumysyn kórip otyrmyz. Mysaly, Mańǵystaý oblysynda MAEK-tiń 2-jylý ortalyǵyndaǵy qazandyqty jóndeý jumystary 8 qańtardan beri áli kúnge deiin bastalǵan joq. Ulytaý oblysy da Jezqazǵan Jylý elektr ortalyǵynyń qazandyǵyn jóndeýge kirisken joq. Ákimder, sizderge aitarym: jylytý maýsymy boiynsha shtab jumystaryna atústi qaraýdy doǵaryńyzdar. Obektilerge ózderińiz shyǵyp, jóndeý jumystarynyń barysyn tikelei baqylaýǵa alý kerek", - dedi Bektenov.
Sonymen qatar, ol elimizde jylý energiiasy óte kóp ysyrap bolatynyn aitty.
"Ol keibir óńirlerde 20%-ǵa deiin jetedi. Bul jylý men energiiany únemdeý tásiliniń durys emes ekenin kórsetedi. Bizde "Energiiany únemdeý týraly" zań bar jáne barlyq talaptar bekitilgen. Olardyń saqtalýyn qatań baqylaý qajet. Men óńirlerge saparym kezinde Prezident tapsyrmalarynyń oryndalýyn tikelei ózim tekseretin bolamyn. Jylý ortalyqtaryn, qazandyqtar men jylý jáne elektr jelilerin qalypty jaǵdaiǵa jetkizý kerek. Ásirese, sý tasqynynan zardap shekken óńirlerge basa kóńil bólý qajet", - Qazaqstan Premer-Ministri Oljas Bektenov.
