پرەمەر-مينيستر ولجاس بەكتەنوۆ جەرگىلىكتى جەرلەردەگى اكىمدەردىڭ جۇمىسىن سىنعا الدى، - دەپ حابارلايدى Dalanews.kz.

ۇكىمەت باسشىسىنىڭ ايتۋىنشا، جىلۋ ەلەكتر ورتالىقتارىنىڭ ماسەلەسىنە كەلگەندە ءاتۇستى قاراماۋ كەرەك.

"جەرگىلىكتى جەرلەردە اكىمدەردىڭ جۇمىسىن كورىپ وتىرمىز. مىسالى، ماڭعىستاۋ وبلىسىندا ماەك-تىڭ 2-جىلۋ ورتالىعىنداعى قازاندىقتى جوندەۋ جۇمىستارى 8 قاڭتاردان بەرى ءالى كۇنگە دەيىن باستالعان جوق. ۇلىتاۋ وبلىسى دا جەزقازعان جىلۋ ەلەكتر ورتالىعىنىڭ قازاندىعىن جوندەۋگە كىرىسكەن جوق. اكىمدەر، سىزدەرگە ايتارىم: جىلىتۋ ماۋسىمى بويىنشا شتاب جۇمىستارىنا ءاتۇستى قاراۋدى دوعارىڭىزدار. وبەكتىلەرگە وزدەرىڭىز شىعىپ، جوندەۋ جۇمىستارىنىڭ بارىسىن تىكەلەي باقىلاۋعا الۋ كەرەك"، - دەدى بەكتەنوۆ.

سونىمەن قاتار، ول ەلىمىزدە جىلۋ ەنەرگياسى وتە كوپ ىسىراپ بولاتىنىن ايتتى.

"ول كەيبىر وڭىرلەردە 20%-عا دەيىن جەتەدى. بۇل جىلۋ مەن ەنەرگيانى ۇنەمدەۋ ءتاسىلىنىڭ دۇرىس ەمەس ەكەنىن كورسەتەدى. بىزدە "ەنەرگيانى ۇنەمدەۋ تۋرالى" زاڭ بار جانە بارلىق تالاپتار بەكىتىلگەن. ولاردىڭ ساقتالۋىن قاتاڭ باقىلاۋ قاجەت. مەن وڭىرلەرگە ساپارىم كەزىندە پرەزيدەنت تاپسىرمالارىنىڭ ورىندالۋىن تىكەلەي ءوزىم تەكسەرەتىن بولامىن. جىلۋ ورتالىقتارىن، قازاندىقتار مەن جىلۋ جانە ەلەكتر جەلىلەرىن قالىپتى جاعدايعا جەتكىزۋ كەرەك. اسىرەسە، سۋ تاسقىنىنان زارداپ شەككەن وڭىرلەرگە باسا كوڭىل ءبولۋ قاجەت"، - قازاقستان پرەمەر-مينيسترى ولجاس بەكتەنوۆ.