Ákim qariialar jańarǵan Túrkistandy tamashalaitynyn aitty
Túrkistanda buryn bolǵanmen, tap qazirgi kórkeigen kelbetin kórmegen aqsaqaldar az ýaqyt ishinde shahardyń jańa keiipke enip, adam tanymastai ózgerip ketkendigine ózderiniń tańqalystaryn bildirdi. Kúlli túrki áleminiń rýhani astanasyndaǵy jańalyqtardan habardar bolǵan qariialardyń qulshynysyn qoldanǵan oblys basshysy aýdan aqsaqaldaryn kóne Túrkistannyń jańa keipin kózben kórip qaitýdy usyndy.
– Pandemiianyń keri áserinen kezdesýler sap tyiyldy. Rasynda, halyqpen tiimdi keri bailanys ornatý – qashanda alǵy maqsattardyń biri. Aýdannyń tynys-tirshiligimen ózderińizdei enete tanys eshkim joq. Sondyqtan men ózderińizben kezdesýdi asyǵa kútemin. Ornymen qartaiý da jaqsy qasiet. Qarttyqtyń baqytty, shýaqty, aitýly asyl qasietteri kóp. Ony ózderińizden kórip otyrmyn. Túrkistan tirshiligin kelip, kózben kórip qaitýlaryńyz qajet, –dedi oblys ákimi.
Oblys ákimi jaýapty basshylarǵa barlyq aýdan, qalalardaǵy niet etken qariialardy jańarǵan Túrkistandy tamashalatýdy tapsyrdy. Jańarǵan Túrkistanǵa qonaq bolyp keletin ardagerler – aimaqtyń, elimizdiń áleýmettik-ekonomikalyq damýyna úlken úles qosqan bilim, mádeniet, ǵylym, óndiris jáne jáne basqa da túrli salalarda jetekshilik etken bilikti aqsaqaldar. Olardy karantin talaptaryn qatań saqtai otyryp,
Túrkistanǵa alyp kelip, qalany aralatýǵa aýdan, qala basshylary jaýapty.
Óreli oi men salmaqty pikir aitylǵan kezdesýde oblys basshysy mundai otyrystardyń mańyzdylyǵyn erekshe atap ótti. Kezdesý barysynda oblys basshysy aǵa urpaqtyń qoǵam ómirine qosqan úlesine shynaiy rizashylyq bildirip, úlkendi syilaý, ardagerlerge qamqorlyq kórsetý keiingi urpaqtyń mindeti jáne paryzy ekenin atap ótti. Aýdannyń áleýmettik máseleleri talqylanyp, onyń sheshý joldary boiynsha aimaq basshysy ómirden túigeni mol el aǵalarynyń pikirin tyńdady. Ziialy qaýym ókilderi men qazynaly qariialar ákimniń oblysty basqarýdaǵy jumysyna sáttilik tiledi.
