Qaraǵandylyq sheneýniktiń ustalǵany týraly habardy agenttiktiń baspasóz qyzmeti rastady. Biraq qai bap boiynsha aiyptalyp jatqanyn aitqan joq. Tek tergeý júrip jatqany belgili boldy.
– Qaraǵandy oblysynyń arnaiy prokýrorlary Qaraǵandy qalasy ákimine bailanysty tergeý júrgizip jatyr. Tergeý aqparattary ruqsat etilgen mólsherde prokýrordyń buiryǵymen ǵana, tergeýge ziiany timeitin bolsa, ári basqa adamdardyń zańdy quqyqtaryn buzbaityn bolsa, jariialanady, – dedi Sybailas jemqorlyqqqa qarsy is-qimyl agenttigindegiler.
Jaqsylyq Shalabekov 2019 jyldyń aqpan aiynda osy qyzmetke taǵaiyndalǵan. 2011-2019 jyldary qala ákimdiginiń qurylys bólimin basqarǵan. Ákim orynbasary kezinde jer telimderine, qala qurylysyna, arhitektýraǵa, jańa áleýmettik nysandar men úilerdiń salynýyna jaýap bergen.
Qaraǵandy qalasynyń ákimi Nurlan Áýbákirov 2014 jyldan beri qalany basqaryp keledi. Shalabekovtiń kinási dáleldense, qyzmetimen qosh aitysatyn ákimniń biri.
