قاراعاندىلىق شەنەۋنٸكتٸڭ ۇستالعانى تۋرالى حاباردى اگەنتتٸكتٸڭ باسپاسٶز قىزمەتٸ راستادى. بٸراق قاي باپ بويىنشا ايىپتالىپ جاتقانىن ايتقان جوق. تەك تەرگەۋ جٷرٸپ جاتقانى بەلگٸلٸ بولدى.
– قاراعاندى وبلىسىنىڭ ارنايى پروكۋرورلارى قاراعاندى قالاسى ەكٸمٸنە بايلانىستى تەرگەۋ جٷرگٸزٸپ جاتىر. تەرگەۋ اقپاراتتارى رۇقسات ەتٸلگەن مٶلشەردە پروكۋروردىڭ بۇيرىعىمەن عانا, تەرگەۋگە زييانى تيمەيتٸن بولسا, ەرٸ باسقا ادامداردىڭ زاڭدى قۇقىقتارىن بۇزبايتىن بولسا, جارييالانادى, – دەدٸ سىبايلاس جەمقورلىقققا قارسى ٸس-قيمىل اگەنتتٸگٸندەگٸلەر.
جاقسىلىق شالابەكوۆ 2019 جىلدىڭ اقپان ايىندا وسى قىزمەتكە تاعايىندالعان. 2011-2019 جىلدارى قالا ەكٸمدٸگٸنٸڭ قۇرىلىس بٶلٸمٸن باسقارعان. ەكٸم ورىنباسارى كەزٸندە جەر تەلٸمدەرٸنە, قالا قۇرىلىسىنا, ارحيتەكتۋراعا, جاڭا ەلەۋمەتتٸك نىساندار مەن ٷيلەردٸڭ سالىنۋىنا جاۋاپ بەرگەن.
قاراعاندى قالاسىنىڭ ەكٸمٸ نۇرلان ەۋبەكٸروۆ 2014 جىلدان بەرٸ قالانى باسقارىپ كەلەدٸ. شالابەكوۆتٸڭ كٸنەسٸ دەلەلدەنسە, قىزمەتٸمەن قوش ايتىساتىن ەكٸمنٸڭ بٸرٸ.
