Ákim myrza, «jolǵa jaýapty adamnan» qairan joq!
– Jol jabyq, qar qalyń dep syltaýrytqylary keldi. Alaida, men jaǵdaidy óz kózimmen kórmek úshin ádeii keldim, – dedi okrýg basshysynyń esebin tyńdap bolǵan Berdibek Máshbekuly.
Saparbaev jolǵa jaýapty laýazymdy adamdarmen tanystyrdy.
– Aralaryńyzǵa oblystyń joldaryna jaýapty adam – ózderińizdiń burynǵy ákimderińiz Aiazbai Osmanǵalievtiń ózi kelip otyr, – degeni sol edi, jinalǵan jurt eriksiz kúlip jiberdi. Arasynda bir belsendisi «jolǵa jaýapty adamnan» qairan joqtyǵyn aityp, aýdannyń burynǵy ákimin kópshilik aldynda odan saiyn uialtty.
Oblys ákimi Tassaiǵa barar joldy óz kózimen kórdi. Saparbaev bastaǵan kortej bir saǵattyq joldy úsh saǵatta áreń ótip shyqty. Okrýg ákiminiń saǵat úshte bastalady degen eseptik kezdesýin halyq saǵat beske deiin kútýge májbúr boldy.
Kún raiyna orai keshigip jetkenin aitqan oblys basshysy Tassai aýylynyń turǵyndarynan keshirim surady.
Aita keteiik, Tassai aýyly oblys ortalyǵynan shamamen 90 shaqyrym qashyqtyqta. Shendiler korteji júrip ótpei jatyp, ózi áreń tazartylǵan joldy qalyń qar qaita basyp tastady.
Marat Tólepbergen, «Tilshi»
foto: Aimurat Dáribaev
