ەكٸم مىرزا, «جولعا جاۋاپتى ادامنان» قايران جوق!
– جول جابىق, قار قالىڭ دەپ سىلتاۋرىتقىلارى كەلدٸ. الايدا, مەن جاعدايدى ٶز كٶزٸممەن كٶرمەك ٷشٸن ەدەيٸ كەلدٸم, – دەدٸ وكرۋگ باسشىسىنىڭ ەسەبٸن تىڭداپ بولعان بەردٸبەك مەشبەكۇلى.
ساپارباەۆ جولعا جاۋاپتى لاۋازىمدى ادامدارمەن تانىستىردى.
– ارالارىڭىزعا وبلىستىڭ جولدارىنا جاۋاپتى ادام – ٶزدەرٸڭٸزدٸڭ بۇرىنعى ەكٸمدەرٸڭٸز ايازباي وسمانعاليەۆتٸڭ ٶزٸ كەلٸپ وتىر, – دەگەنٸ سول ەدٸ, جينالعان جۇرت ەرٸكسٸز كٷلٸپ جٸبەردٸ. اراسىندا بٸر بەلسەندٸسٸ «جولعا جاۋاپتى ادامنان» قايران جوقتىعىن ايتىپ, اۋداننىڭ بۇرىنعى ەكٸمٸن كٶپشٸلٸك الدىندا ودان سايىن ۇيالتتى.
وبلىس ەكٸمٸ تاسسايعا بارار جولدى ٶز كٶزٸمەن كٶردٸ. ساپارباەۆ باستاعان كورتەج بٸر ساعاتتىق جولدى ٷش ساعاتتا ەرەڭ ٶتٸپ شىقتى. وكرۋگ ەكٸمٸنٸڭ ساعات ٷشتە باستالادى دەگەن ەسەپتٸك كەزدەسۋٸن حالىق ساعات بەسكە دەيٸن كٷتۋگە مەجبٷر بولدى.
كٷن رايىنا وراي كەشٸگٸپ جەتكەنٸن ايتقان وبلىس باسشىسى تاسساي اۋىلىنىڭ تۇرعىندارىنان كەشٸرٸم سۇرادى.
ايتا كەتەيٸك, تاسساي اۋىلى وبلىس ورتالىعىنان شامامەن 90 شاقىرىم قاشىقتىقتا. شەندٸلەر كورتەجٸ جٷرٸپ ٶتپەي جاتىپ, ٶزٸ ەرەڭ تازارتىلعان جولدى قالىڭ قار قايتا باسىپ تاستادى.
مارات تٶلەپبەرگەن, «تٸلشٸ»
فوتو: ايمۇرات دەرٸباەۆ
