Ónerkásip ónimi kólemi 6 aida 422 mln teńgeni qurady. Jyl qorytyndysymen 1,5 mlrd teńgege jetkizý josparlanýda. Negizgi kapitalǵa baǵyttalǵan investitsiia kólemi jarty jylda 5 mlrd teńgege jetken. Jyl sońyna deiin 25 mlrd teńgege jetkizý josparlanǵan. 2027 jylǵa deiin shaǵyn jáne orta biznesti damytý boiynsha jalpy quny 25 mlrd teńgeni quraityn 26 jobany iske asyrý kózdelip, 290 jańa jumys oryndaryn qurý kózdelýde.
Qus eti men jumyrtqa óndirisi, sút fermasy, et óńdeý kásiporny, balyq ónimderin qaita óńdeý kásiporny salynady. Jún óńdeý tsehy, qurama jem zaýyty, jel jáne kún elektr stansasynyń qurylysy júrgizilip, birneshe demalys oryndary, saýda ortalyqtary salynbaq.
Sonymen qatar 2 mlrd teńgege 4 investitsiialyq joba iske asyrylýda. Báidibekte «ERNUR-Korporatsiiasy» 5 myń basty quraityn ýaq mal bordaqylaý alańynyń qurylysyn júrgizýde. Atalǵan kásiporyn jylyna 200 mln. jumyrtqa óndiretin 600 myń bastyq qus fermasynyń qurylysyn salýdy josparlap otyr. «Kaztravertin» kompaniiasy jylyna 25 myń tekshe metr travertin tastaryn óńdeýdi josparlaýda. «Shoq-Talap» sharýa qojalyǵy jylyna 35 tonnalyq balyq sharýashylyǵyn bastamaq. Jeke kásipker «E.Aǵabekqyzy» qýattylyǵy jylyna 6 000 dana matras, 12 myń dana jastyq shyǵaratyn óndiristi qolǵa alady.
Aýyl sharýashylyǵy ónimi kólemi byltyr 35,6 mlrd. teńgege jetti. Biyl 6 aida 10,7 mlrd teńgeni qurady. Jyl sońyna deiin aýyl sharýashylyǵy óniminiń kólemin 39 mlrd teńgege jetkizý josparlanyp otyr. 2019 jyldan búgingi tańǵa deiin sý únemdeý tehnologiialaryn paidalaný kólemi 811 gektarǵa deiin artty.
Oblysta 273,4 myń gektar alqapqa masaqty daqyldar egilse, onyń 24 paiyzy nemese 66 myń gektaryn Báidibek aýdanynyń egis alqaby qurap otyr. Onyń ishinde bidai 53 myń gektar bolsa, arpa 13 myń gektarǵa egildi.
Shaqpaq eldi mekenindegi Alǵabas dárigerlik ambýlatoriiasyna 478 mln teńge qarjy qaralyp, kúrdeli jóndeý jumystary júrgizilýde. Aǵybet aýylyndaǵy sport keshenin tamyz aiynyń sońynda jáne Báidibek ata eldi mekeninde dene shynyqtyrý jáne saýyqtyrý keshenin qyrkúiek aiynda paidalanýǵa berý josparlanýda.
Biyl 76 mln teńgege Shaian eldi mekenindegi kóp qabatty 3 turǵyn úidiń qasbetinn jóndeý jumystary júrgizilýde. 2 eldi mekenniń injenerlik kommýnikatsiialyq infraqurylymyna 671 mln. teńge bólinip, qurylys-montaj jumystary atqaryldy.
Eldi mekenderdegi tozyǵy jetken aýyz sý júieleri jańartylýda. Sý qory azaiǵan 15 eldi mekenniń jer asty sý qoryn izdeý-barlaý jumystary júrgizilýde. Barlaý jumystarynyń qortyndysymen jańa uńǵyma qazý jumystary qolǵa alynady. Jańatalap, Juldyz eldi mekenderiniń jer asty sý qorlary zerttelýde.
«Ońtústik Jaryq Tranzit» kompaniiasynyń investitsiialyq baǵdarlamasyna sáikes 8 aýylda tozyǵy jetken 695 elektr baǵanasy men 36 shaqyrym elektr jelisi jańartylyp, 3 transformator aýystyrylǵan. Biyl 2 aýylda tozyǵy jetken 249 elektr baǵanasy men 10 shaqyrym elektr jelisi jańartylyp, 2 transformator aýystyrylady. Báidibek ata aýylynda podstantsiia salynyp, paidalanýǵa berildi.
– Qurmetti jerlester, ózderińiz kórip otyrǵandai, aýdan áleýmettik-ekonomikalyq damý ústinde. Aýdan ákimi shejirege bai, tabiǵaty qataldaý aýdannyń áleýmettik-ekonomikalyq damýyn qamtamasyz etip, turǵyndardyń ómir súrýine qolaily jaǵdai jasaýy kerek. Aýdanǵa aýqymdy investitsiialar tartý jumystaryn jalǵastyrý qajet. Báidibek babamyz: «Tirlik basqa bolsa da, tilek bir, Barmaq basqa bolsa da, bilek bir» degen eken. Olai bolsa, aýdan turǵyndaryn aýdan ákimimen birlesip, aýdandy damytý jolynda aianbai eńbek etýge shaqyramyn. Kúrdeli máselelerdi sheshýge jáne aýdannyń damýyna sizdermen birge júieli sharalar qabyldaityn bolamyz, – dep túiindedi sózin oblys ákimi Darhan Satybaldy.
Turǵyndarmen kezdesýinen keiin oblys ákimi Darhan Satybaldy halyqtyń qoiǵan suraqtary men usynys-pikirlerine jaýap berdi. Talap-tilegi men ótinishterin tyńdady. Túrkistan oblysynyń ákimi Darhan Satybaldy ár jarty jyl saiyn halyqqa atqarylǵan jumystyń esebin berip, turǵyndardy tolǵandyrǵan máselelermen jaqyn tanysady. Mundai jiyndar óńirdegi barlyq aýdan, qalalarynda ótedi.
