ونەركاسىپ ءونىمى كولەمى 6 ايدا 422 ملن تەڭگەنى قۇرادى. جىل قورىتىندىسىمەن 1،5 ملرد تەڭگەگە جەتكىزۋ جوسپارلانۋدا. نەگىزگى كاپيتالعا باعىتتالعان ينۆەستيسيا كولەمى جارتى جىلدا 5 ملرد تەڭگەگە جەتكەن. جىل سوڭىنا دەيىن 25 ملرد تەڭگەگە جەتكىزۋ جوسپارلانعان. 2027 جىلعا دەيىن شاعىن جانە ورتا بيزنەستى دامىتۋ بويىنشا جالپى قۇنى 25 ملرد تەڭگەنى قۇرايتىن 26 جوبانى ىسكە اسىرۋ كوزدەلىپ، 290 جاڭا جۇمىس ورىندارىن قۇرۋ كوزدەلۋدە.
قۇس ەتى مەن جۇمىرتقا ءوندىرىسى، ءسۇت فەرماسى، ەت وڭدەۋ كاسىپورنى، بالىق ونىمدەرىن قايتا وڭدەۋ كاسىپورنى سالىنادى. ءجۇن وڭدەۋ سەحى، قۇراما جەم زاۋىتى، جەل جانە كۇن ەلەكتر ستانساسىنىڭ قۇرىلىسى جۇرگىزىلىپ، بىرنەشە دەمالىس ورىندارى، ساۋدا ورتالىقتارى سالىنباق.
سونىمەن قاتار 2 ملرد تەڭگەگە 4 ينۆەستيسيالىق جوبا ىسكە اسىرىلۋدا. بايدىبەكتە «ERNUR-كورپوراسياسى» 5 مىڭ باستى قۇرايتىن ۋاق مال بورداقىلاۋ الاڭىنىڭ قۇرىلىسىن جۇرگىزۋدە. اتالعان كاسىپورىن جىلىنا 200 ملن. جۇمىرتقا وندىرەتىن 600 مىڭ باستىق قۇس فەرماسىنىڭ قۇرىلىسىن سالۋدى جوسپارلاپ وتىر. «كازتراۆەرتين» كومپانياسى جىلىنا 25 مىڭ تەكشە مەتر تراۆەرتين تاستارىن وڭدەۋدى جوسپارلاۋدا. «شوق-تالاپ» شارۋا قوجالىعى جىلىنا 35 توننالىق بالىق شارۋاشىلىعىن باستاماق. جەكە كاسىپكەر «ە.اعابەك قىزى» قۋاتتىلىعى جىلىنا 6 000 دانا ماتراس، 12 مىڭ دانا جاستىق شىعاراتىن ءوندىرىستى قولعا الادى.
اۋىل شارۋاشىلىعى ءونىمى كولەمى بىلتىر 35،6 ملرد. تەڭگەگە جەتتى. بيىل 6 ايدا 10،7 ملرد تەڭگەنى قۇرادى. جىل سوڭىنا دەيىن اۋىل شارۋاشىلىعى ءونىمىنىڭ كولەمىن 39 ملرد تەڭگەگە جەتكىزۋ جوسپارلانىپ وتىر. 2019 جىلدان بۇگىنگى تاڭعا دەيىن سۋ ۇنەمدەۋ تەحنولوگيالارىن پايدالانۋ كولەمى 811 گەكتارعا دەيىن ارتتى.
– وزدەرىڭىز بىلەسىزدەر، وبلىس تۇرعىندارىنىڭ باسىم بولىگى اۋىلدى ەلدى مەكەندەردە تۇرادى، ناقتى ايتقاندا 80 پايىزى نەمەسە 1،6 ميلليون ادام، ياعني 1 ميلليونعا جۋىق اۋىل تۇرعىندارىنىڭ ەكونوميكالىق الەۋەتى اۋىل شارۋاشىلىعىمەن تىكەلەي بايلانىستى. پرەزيدەنتىمىز قاسىم-جومارت توقايەۆ اۋىلداردى دامىتۋعا ەرەكشە نازار اۋدارۋدى تاپسىرعان بولاتىن. وسىعان وراي ىسكە اسىرىلىپ جاتقان «اۋىل اماناتى» باعدارلاماسى ءبىزدىڭ وبلىس ءۇشىن وتە ماڭىزدى. باعدارلامانىڭ اياسىندا وسىمدىك، مال، قۇس، بالىق شارۋاشىلىقتارى باعىتتارى بويىنشا نەسيەلەندىرىلەدى. سونداي-اق، كووپەراتيۆتەردى جابدىقتاۋ مەن تۇرعىنداردىڭ ءوز كاسىبىن اشۋعا مۇمكىندىكتەرى بار. بايدىبەك اۋدانىندا باعدارلاما العاباس، اقباستاۋ، كوكتەرەك، بورلىساي اۋىلدىق وكرۋگتەرىندە ىسكە اسىرىلۋدا. بۇگىنگى كۇنگە، «اۋىل اماناتى» باعدارلاماسى اياسىندا 225 ملن تەڭگەگە 41 جوبا قارجىلاندىرىلدى، – دەدى ءوز سوزىندە وبلىس اكىمى.
وبلىستا 273،4 مىڭ گەكتار القاپقا ماساقتى داقىلدار ەگىلسە، ونىڭ 24 پايىزى نەمەسە 66 مىڭ گەكتارىن بايدىبەك اۋدانىنىڭ ەگىس القابى قۇراپ وتىر. ونىڭ ىشىندە بيداي 53 مىڭ گەكتار بولسا، ارپا 13 مىڭ گەكتارعا ەگىلدى.
شاقپاق ەلدى مەكەنىندەگى العاباس دارىگەرلىك امبۋلاتورياسىنا 478 ملن تەڭگە قارجى قارالىپ، كۇردەلى جوندەۋ جۇمىستارى جۇرگىزىلۋدە. اعىبەت اۋىلىنداعى سپورت كەشەنىن تامىز ايىنىڭ سوڭىندا جانە بايدىبەك اتا ەلدى مەكەنىندە دەنە شىنىقتىرۋ جانە ساۋىقتىرۋ كەشەنىن قىركۇيەك ايىندا پايدالانۋعا بەرۋ جوسپارلانۋدا.
بيىل 76 ملن تەڭگەگە شايان ەلدى مەكەنىندەگى كوپ قاباتتى 3 تۇرعىن ءۇيدىڭ قاسبەتىنن جوندەۋ جۇمىستارى جۇرگىزىلۋدە. 2 ەلدى مەكەننىڭ ينجەنەرلىك كوممۋنيكاسيالىق ينفراقۇرىلىمىنا 671 ملن. تەڭگە ءبولىنىپ، قۇرىلىس-مونتاج جۇمىستارى اتقارىلدى.
ەلدى مەكەندەردەگى توزىعى جەتكەن اۋىز سۋ جۇيەلەرى جاڭارتىلۋدا. سۋ قورى ازايعان 15 ەلدى مەكەننىڭ جەر استى سۋ قورىن ىزدەۋ-بارلاۋ جۇمىستارى جۇرگىزىلۋدە. بارلاۋ جۇمىستارىنىڭ قورتىندىسىمەن جاڭا ۇڭعىما قازۋ جۇمىستارى قولعا الىنادى. جاڭاتالاپ، جۇلدىز ەلدى مەكەندەرىنىڭ جەر استى سۋ قورلارى زەرتتەلۋدە.
«وڭتۇستىك جارىق ترانزيت» كومپانياسىنىڭ ينۆەستيسيالىق باعدارلاماسىنا سايكەس 8 اۋىلدا توزىعى جەتكەن 695 ەلەكتر باعاناسى مەن 36 شاقىرىم ەلەكتر جەلىسى جاڭارتىلىپ، 3 ترانسفورماتور اۋىستىرىلعان. بيىل 2 اۋىلدا توزىعى جەتكەن 249 ەلەكتر باعاناسى مەن 10 شاقىرىم ەلەكتر جەلىسى جاڭارتىلىپ، 2 ترانسفورماتور اۋىستىرىلادى. بايدىبەك اتا اۋىلىندا پودستانسيا سالىنىپ، پايدالانۋعا بەرىلدى.
– قۇرمەتتى جەرلەستەر، وزدەرىڭىز كورىپ وتىرعانداي، اۋدان الەۋمەتتىك-ەكونوميكالىق دامۋ ۇستىندە. اۋدان اكىمى شەجىرەگە باي، تابيعاتى قاتالداۋ اۋداننىڭ الەۋمەتتىك-ەكونوميكالىق دامۋىن قامتاماسىز ەتىپ، تۇرعىنداردىڭ ءومىر سۇرۋىنە قولايلى جاعداي جاساۋى كەرەك. اۋدانعا اۋقىمدى ينۆەستيسيالار تارتۋ جۇمىستارىن جالعاستىرۋ قاجەت. بايدىبەك بابامىز: «تىرلىك باسقا بولسا دا، تىلەك ءبىر، بارماق باسقا بولسا دا، بىلەك ءبىر» دەگەن ەكەن. ولاي بولسا، اۋدان تۇرعىندارىن اۋدان اكىمىمەن بىرلەسىپ، اۋداندى دامىتۋ جولىندا ايانباي ەڭبەك ەتۋگە شاقىرامىن. كۇردەلى ماسەلەلەردى شەشۋگە جانە اۋداننىڭ دامۋىنا سىزدەرمەن بىرگە جۇيەلى شارالار قابىلدايتىن بولامىز، – دەپ تۇيىندەدى ءسوزىن وبلىس اكىمى دارحان ساتىبالدى.
تۇرعىندارمەن كەزدەسۋىنەن كەيىن وبلىس اكىمى دارحان ساتىبالدى حالىقتىڭ قويعان سۇراقتارى مەن ۇسىنىس-پىكىرلەرىنە جاۋاپ بەردى. تالاپ-تىلەگى مەن وتىنىشتەرىن تىڭدادى. تۇركىستان وبلىسىنىڭ اكىمى دارحان ساتىبالدى ءار جارتى جىل سايىن حالىققا اتقارىلعان جۇمىستىڭ ەسەبىن بەرىپ، تۇرعىنداردى تولعاندىرعان ماسەلەلەرمەن جاقىن تانىسادى. مۇنداي جيىندار وڭىردەگى بارلىق اۋدان، قالالارىندا وتەدى.
