Belgili dizainer Quralai Nurqadilova suhbattarynyń birinde kópshilik bile bermeitin otbasylyq máseleler týraly ashyq aityp, el nazaryn aýdarǵan edi, dep habarlaidy dalanews.kz.
Ol bul týraly 2023 jyly "Bilgen durys" baǵdarlamasyna bergen suhbatynda bólisken. Dizainerdiń aitýynsha, arada qansha jyl ótse de, ákesi Zamanbek Nurqadilovtiń ekinshi otbasymen aradaǵy qarym-qatynas rettelmegen.
Quralai Nurqadilova ákesimen de uzaq ýaqyt bailanys bolmaǵanyn jasyrmady. Onyń sózinshe, olar shamamen 15 jyl sóilespegen.
"Men ákemmen 15 jyl sóilespedim. Anam da ony kórgen joq. Ákemniń qazasy áli kúnge deiin jumbaq. "Jańa Qazaqstan" tolyq qalyptaspaiynsha, shyndyq ashylmaidy dep oilaimyn. Qazir árkim ártúrli nusqa aityp júr, biraq naqty jaýap joq", – dedi dizainer.
Suhbat kezinde oǵan ákesiniń janazasyna qatysty da suraq qoiylǵan. Quralai Nurqadilova bul máseleni sol kezde imamdar ózara aqyldasyp sheshkenin aitty.
Onyń aitýynsha, qoshtasý rásimine kóptegen tanymal tulǵa qatysqan. Al jerleý rásimine anasy ekeýi ǵana barǵan.
"Imamdar kiiz úide jinalyp, ózara keńesip sheshim qabyldaǵanyn bilemin. Qoshtasýǵa kóp belgili adam keldi. Biraq jerleýge anam ekeýmiz ǵana bardyq. Sol kezde bizge ákemmen uzaq qoshtasýǵa múmkindik berildi", – dep eske aldy Quralai Nurqadilova.
