Bul sharanyń quqyq qorǵaý organdarynyń ókilderine bereri kóp. Akademiia basshylyǵy teatr sahnasyndaǵy sańlaq akterlerdiń ónerin tamashalap qoimai, akademiialyq teatr men IIM Almaty akademiiasy arasyndaǵy yntymaqtastyq týraly memorandýmǵa da qol qoiyp, aldaǵy ýaqytta ózara bailanystardyń jalǵasa berýge ýaǵdalasty.
Memorandýmǵa bailanysty uly akter, «Atamannyń aqyry» filmindegi Shadiiarovtyń rólimen-aq bútindei bir urpaqty patriotizmge tárbielegen Asanáli Áshimov aǵamyz «Sonsha jyl teatrda istep júrip mynadai keremet bastamany kórgen joqpyn. Akademiia basshylyǵyna rahmet» dep aǵynan jarylyp, ishki ister qyzmetine abyroi tilep, izgi nietin bildirdi.
Qoiylym sońynda akademiia bastyǵy Aidar Saitbekov Ishki ister ministri Erlan Turǵymbaevtyń atynan óner tobyna yqylas gúlin syilap, alǵysyn aitty. Sonymen qatar ótken mádeniet kúnine orai teatrdyń birneshe qyzmetkerlerine alǵys hat pen sývenirler tabys etti.
Eń bastysy, spektaklge jinalǵan kórermen de rýhani qundylyqqa toly shyǵarmashylyqqa qanyǵyp qaitty. Akterlerdiń sheber oiyny men qyzyqty dialogtar komediiaǵa ózindik nár berip, kórermenge jaqsy kóńil-kúi syilady.
