بۇل شارانىڭ قۇقىق قورعاۋ ورگاندارىنىڭ ٶكٸلدەرٸنە بەرەرٸ كٶپ. اكادەمييا باسشىلىعى تەاتر ساحناسىنداعى ساڭلاق اكتەرلەردٸڭ ٶنەرٸن تاماشالاپ قويماي, اكادەمييالىق تەاتر مەن ٸٸم الماتى اكادەميياسى اراسىنداعى ىنتىماقتاستىق تۋرالى مەموراندۋمعا دا قول قويىپ, الداعى ۋاقىتتا ٶزارا بايلانىستاردىڭ جالعاسا بەرۋگە ۋاعدالاستى.
مەموراندۋمعا بايلانىستى ۇلى اكتەر, «اتاماننىڭ اقىرى» فيلمٸندەگٸ شاديياروۆتىڭ رٶلٸمەن-اق بٷتٸندەي بٸر ۇرپاقتى پاتريوتيزمگە تەربيەلەگەن اسانەلٸ ەشٸموۆ اعامىز «سونشا جىل تەاتردا ٸستەپ جٷرٸپ مىناداي كەرەمەت باستامانى كٶرگەن جوقپىن. اكادەمييا باسشىلىعىنا راحمەت» دەپ اعىنان جارىلىپ, ٸشكٸ ٸستەر قىزمەتٸنە ابىروي تٸلەپ, ٸزگٸ نيەتٸن بٸلدٸردٸ.
قويىلىم سوڭىندا اكادەمييا باستىعى ايدار سايتبەكوۆ ٸشكٸ ٸستەر مينيسترٸ ەرلان تۇرعىمباەۆتىڭ اتىنان ٶنەر توبىنا ىقىلاس گٷلٸن سىيلاپ, العىسىن ايتتى. سونىمەن قاتار ٶتكەن مەدەنيەت كٷنٸنە وراي تەاتردىڭ بٸرنەشە قىزمەتكەرلەرٸنە العىس حات پەن سۋۆەنيرلەر تابىس ەتتٸ.
ەڭ باستىسى, سپەكتاكلگە جينالعان كٶرەرمەن دە رۋحاني قۇندىلىققا تولى شىعارماشىلىققا قانىعىپ قايتتى. اكتەرلەردiڭ شەبەر ويىنى مەن قىزىقتى ديالوگتار كومەديياعا ٶزiندiك نەر بەرiپ, كٶرەرمەنگە جاقسى كٶڭiل-كٷي سىيلادى.
