Akademıkter Ǵylym jáne joǵary bilim mınıstri Saıasat Nurbekti Prezıdent Qasym-Jomart Toqaevtyń Ulttyq Ǵylym akademıasyn (UǴA) transformasıalaý jónindegi tapsyrmasyn oryndaýdy keshiktirip jatqany úshin aıyptady, dep habarlaıdy Dalanews.kz.
"Qazaqstannyń ǵylymı-akademıalyq salasyn transformasıalaý prosesi áli aıaqtalǵan joq ári bul sharýa tótenshe jaǵdaıda ótkizilip jatyr. Óıtkeni prezıdent Qasym-Jomart Toqaevtyń Ǵylym akademıasyna memlekettik mártebe berý jónindegi tapsyrmasy sheńberinde ony qoǵamdyq birlestikten jańa uıymdyq-quqyqtyq formaǵa transformasıa júrgizý bylaı tursyn, múlde joıý baǵytyndaǵy túrli is-áreketterge aınaldy", - delingen UǴA málimdemesinde.
Akademıkterdiń sózinshe, Ǵylym jáne joǵary bilim mınıstrligi Prezıdenttiń tapsyrmasyn eki jyldan beri oryndamaı keledi.
Málimetke súıensek, akademıa quramyna qazir 146 akademık jáne 74 korespondent múshelik etedi.
Eske salaıyq, bir kún buryn mınıstr Saıasat Nurbek Prezıdenttiń sheshimimen jańa ǵylym akademıasy qurylǵanyn málimdegen edi. Qazir onyń toǵyz akademıgi bar, al burynǵy akademıanyń mártebesi kúshin joıǵan. Onyń ishinde burynǵy prezıdent Nazarbaevtyń mártebesi joǵalǵany atap ótken edi.
