اكادەميكتەر عىلىم جانە جوعارى ءبىلىم ءمينيسترى ساياسات نۇربەكتى پرەزيدەنت قاسىم-جومارت توقايەۆتىڭ ۇلتتىق عىلىم اكادەمياسىن (ۇعا) ترانسفورماسيالاۋ جونىندەگى تاپسىرماسىن ورىنداۋدى كەشىكتىرىپ جاتقانى ءۇشىن ايىپتادى، دەپ حابارلايدى Dalanews.kz.
"قازاقستاننىڭ عىلىمي-اكادەميالىق سالاسىن ترانسفورماسيالاۋ پروسەسى ءالى اياقتالعان جوق ءارى بۇل شارۋا توتەنشە جاعدايدا وتكىزىلىپ جاتىر. ويتكەنى پرەزيدەنت قاسىم-جومارت توقايەۆتىڭ عىلىم اكادەمياسىنا مەملەكەتتىك مارتەبە بەرۋ جونىندەگى تاپسىرماسى شەڭبەرىندە ونى قوعامدىق بىرلەستىكتەن جاڭا ۇيىمدىق-قۇقىقتىق فورماعا ترانسفورماسيا جۇرگىزۋ بىلاي تۇرسىن، مۇلدە جويۋ باعىتىنداعى ءتۇرلى ىس-ارەكەتتەرگە اينالدى"، - دەلىنگەن ۇعا مالىمدەمەسىندە.
اكادەميكتەردىڭ سوزىنشە، عىلىم جانە جوعارى ءبىلىم مينيسترلىگى پرەزيدەنتتىڭ تاپسىرماسىن ەكى جىلدان بەرى ورىنداماي كەلەدى.
مالىمەتكە سۇيەنسەك، اكادەميا قۇرامىنا ءقازىر 146 اكادەميك جانە 74 كوررەسپوندەنت مۇشەلىك ەتەدى.
ەسكە سالايىق، ءبىر كۇن بۇرىن مينيستر ساياسات نۇربەك پرەزيدەنتتىڭ شەشىمىمەن جاڭا عىلىم اكادەمياسى قۇرىلعانىن مالىمدەگەن ەدى. ءقازىر ونىڭ توعىز اكادەميگى بار، ال بۇرىنعى اكادەميانىڭ مارتەبەسى كۇشىن جويعان. ونىڭ ىشىندە بۇرىنعى پرەزيدەنت نازاربايەۆتىڭ مارتەبەسى جوعالعانى اتاپ وتكەن ەدى.
