Otandyq áýe keńistigin «otarlap» alǵan monopolıs sońǵy kezde Smaıylov Úkimetinen jıi sóz estip júr. Oǵan oryndy argýment bar. Kompanıanyń baǵa saıasaty men bıznes modeli jurttyń jynyna tıip bitti.
Jolaýshynyń shaǵymyn eskermeıtini, reısterdi sebepsiz shegeretini, ony túsindirip jatýdy jón sanamaıtyny, bylaısha aıtqanda «eski Qazaqstannyń» ólshemimen ómir súretini Air Astana-nyń repýtasıasyna ońdyrtpaı syzat túsirdi.
Jolaýshyǵa jarymaı, jutap júrse bir jón. 49 paıyzyna brıtandar, 51 paıyzyna «Samuryq Qazyna» ıelik etetin «Aıyr astana» (tilge jeńil) byltyr kúrep tabys tapqan. Túsim 78 mln $-dan asyp jyǵyldy. Pasajırler potogy 11-ǵa artyp, 7,4 mln adamdy quraǵan.
Kompanıadaǵy bılet baǵasy «qutyryp» tur. Smaıylovtyń sózimen aıtqanda, Air Astana-nyń kúıttegeni aqsha, aqsha jáne aqsha, ózgesine bas qatyrmaıdy. Aqsha demekshi, kúni keshe kompanıaǵa 15 mln $ shtraf salyndy (sebebin ilgeride aıttyq).
«Aıyr Astananyń» atalasy FlyArystan-nyń bıletteri de ýdaı. Servısi de syn kótermeıdi. Toq eterin aıtqanda, otandyq áýetasymalynda shynaıy básekeniń joqtyǵynan monopolısiń bilgenin istep, alshań basýyna jol ashyp berdik.
Áriptesimiz, Denıs Krıvosheevtiń aıtýynsha Almaty men Astananyń arasyndaǵy bılet quny 107 dollar. Bul Máskeý men Petebor arasyndaǵy reıstiń qunynan 5 ese qymbat!
Atalǵan faktorlar brıtandyq BAE Systems-ke oı salǵan bolýy múmkin. Repýtasıasyna saq qaraıtyn aǵylshyndar Air Astana-men baılanysty táýekelderden kún buryn qutylǵandy jón sanasa kerek.
Smaıylov Úkimeti pen áýe kompanıasynyń arasyndaǵy aıqastyń fınaly qyzyq bolǵaly tur.
Dala Inside arnasyna jetken málimet boıynsha Úkimet otandyq áýe naryǵyn lıberalızasıa jasaýǵa oqtalýda. İshki naryqta jolaýshy tasymaldaıtyn 7 kompanıanyń qaramaǵyndaǵy 75 ushaq jetkiliksiz.
Qazaqstan aspanyn sheteldik áýe kompanıalaryna aıqara ashsaq, Air Astana-nyń ústemdigi de kelmeske ketedi. Baǵa arzandaıdy. Klıent úshin kúres bastalady.
Mundaıda ınvesttabystyń da aıtarlyqtaı tómenderi shúbásiz. Brıtandar muny siz ben bizden artyq bilip otyr. Týrbýlentti zonaǵa tap bolǵan kompanıanyń 49 paıyzyn kim alar eken?..
Álbette, Smaıylov Úkimetiniń sapynda «Aıyr Astanany» qorǵashtap otyrǵan lobbı bary anyq. Olar bılet baǵasynyń sharyqtaýyn janarmaı baǵasy, ushaqtyń lızıńi (arendasy) jáne valúta naryǵyndaǵy haostan kóredi.
Al, jolaýshynyń jaıyn kim oılaıdy? Siz ben biz qoljetimdi bılet pen sapaly servıske laıyq emespiz be?..
Bul týraly áli de aıtamyz. Arnamyzǵa tirkelip alyńyz?
https://t.me/dalainside
