وتاندىق اۋە كەڭىستىگىن «وتارلاپ» العان مونوپوليست سوڭعى كەزدە سمايىلوۆ ۇكىمەتىنەن ءجيى ءسوز ەستىپ ءجۇر. وعان ورىندى ارگۋمەنت بار. كومپانيانىڭ باعا ساياساتى مەن بيزنەس مودەلى جۇرتتىڭ جىنىنا ءتيىپ ءبىتتى.
جولاۋشىنىڭ شاعىمىن ەسكەرمەيتىنى، رەيستەردى سەبەپسىز شەگەرەتىنى، ونى ءتۇسىندىرىپ جاتۋدى ءجون سانامايتىنى، بىلايشا ايتقاندا «ەسكى قازاقستاننىڭ» ولشەمىمەن ءومىر سۇرەتىنى Air Astana-نىڭ رەپۋتاسياسىنا وڭدىرتپاي سىزات ءتۇسىردى.
جولاۋشىعا جارىماي، جۇتاپ جۇرسە ءبىر ءجون. 49 پايىزىنا بريتاندار، 51 پايىزىنا «سامۇرىق قازىنا» يەلىك ەتەتىن «ايىر استانا» (تىلگە جەڭىل) بىلتىر كۇرەپ تابىس تاپقان. ءتۇسىم 78 ملن $-دان اسىپ جىعىلدى. پاسساجيرلەر پوتوگى 11-عا ارتىپ، 7،4 ملن ادامدى قۇراعان.
كومپانياداعى بيلەت باعاسى «قۇتىرىپ» تۇر. سمايىلوۆتىڭ سوزىمەن ايتقاندا، Air Astana-نىڭ كۇيتتەگەنى اقشا، اقشا جانە اقشا، وزگەسىنە باس قاتىرمايدى. اقشا دەمەكشى، كۇنى كەشە كومپانياعا 15 ملن $ شتراف سالىندى (سەبەبىن ىلگەرىدە ايتتىق).
«ايىر استانانىڭ» اتالاسى FlyArystan-نىڭ بيلەتتەرى دە ۋداي. سەرۆيسى دە سىن كوتەرمەيدى. توق ەتەرىن ايتقاندا، وتاندىق اۋەتاسىمالىندا شىنايى باسەكەنىڭ جوقتىعىنان ءمونوپوليستىڭ بىلگەنىن ىستەپ، الشاڭ باسۋىنا جول اشىپ بەردىك.
ارىپتەسىمىز، دەنيس كريۆوشەيەۆتىڭ ايتۋىنشا الماتى مەن استانانىڭ اراسىنداعى بيلەت قۇنى 107 دوللار. بۇل ماسكەۋ مەن پەتەبور اراسىنداعى رەيستىڭ قۇنىنان 5 ەسە قىمبات!
اتالعان فاكتورلار بريتاندىق BAE Systems-كە وي سالعان بولۋى مۇمكىن. رەپۋتاسياسىنا ساق قارايتىن اعىلشىندار Air Astana-مەن بايلانىستى تاۋەكەلدەردەن كۇن بۇرىن قۇتىلعاندى ءجون ساناسا كەرەك.
سمايىلوۆ ۇكىمەتى پەن اۋە كومپانياسىنىڭ اراسىنداعى ايقاستىڭ فينالى قىزىق بولعالى تۇر.
Dala Inside ارناسىنا جەتكەن مالىمەت بويىنشا ۇكىمەت وتاندىق اۋە نارىعىن ليبەراليزاسيا جاساۋعا وقتالۋدا. ىشكى نارىقتا جولاۋشى تاسىمالدايتىن 7 كومپانيانىڭ قاراماعىنداعى 75 ۇشاق جەتكىلىكسىز.
قازاقستان اسپانىن شەتەلدىك اۋە كومپانيالارىنا ايقارا اشساق، Air Astana-نىڭ ۇستەمدىگى دە كەلمەسكە كەتەدى. باعا ارزاندايدى. كليەنت ءۇشىن كۇرەس باستالادى.
مۇندايدا ينۆەستتابىستىڭ دا ايتارلىقتاي تومەندەرى ءشۇباسىز. بريتاندار مۇنى ءسىز بەن بىزدەن ارتىق ءبىلىپ وتىر. تۋربۋلەنتتى زوناعا تاپ بولعان كومپانيانىڭ 49 پايىزىن كىم الار ەكەن؟..
البەتتە، سمايىلوۆ ۇكىمەتىنىڭ ساپىندا «ايىر استانانى» قورعاشتاپ وتىرعان لوببي بارى انىق. ولار بيلەت باعاسىنىڭ شارىقتاۋىن جانارماي باعاسى، ۇشاقتىڭ ليزينگى (ارەنداسى) جانە ۆاليۋتا نارىعىنداعى حاوستان كورەدى.
ال، جولاۋشىنىڭ جايىن كىم ويلايدى؟ ءسىز بەن ءبىز قولجەتىمدى بيلەت پەن ساپالى سەرۆيسكە لايىق ەمەسپىز بە؟..
بۇل تۋرالى ءالى دە ايتامىز. ارنامىزعا تىركەلىپ الىڭىز؟
https://t.me/dalainside
