Tanymal ázilkesh Tursynbek Qabatovtyń jubaiy Aiman Talǵatqyzy áleýmettik jelide ózine aitylǵan synǵa jaýap berdi. Ol brend kiimge qatysty kózqarasyn ashyq bildirdi, dep habarlaidy dalanews.kz.
Buǵan jeli qoldanýshylarynyń biriniń pikiri sebep bolǵan. Oqyrman Aiman Talǵatqyzynyń kiim úlgisin synap, "ústińizden brendtiń bireýin kórmedim, bazar ǵoi" dep jazǵan.
Aiman Talǵatqyzy bul pikirge sabyrmen jaýap berip, adam mindetti túrde qymbat brend kiiýi kerek degen túsinikpen kelispeitinin aitty.
"Endi kádimgi adam emespiz be? Nege brend kiiýim kerek? Dym kórmegendei brendtiń bárin japsyra almaidy ekenmin. Maǵan ol maqtanysh nemese dáreje emes", – dep jazdy ol.
Sondai-aq ol adamnyń stili kiimniń baǵasymen nemese tanymal belgisimen ǵana ólshenbeitinin jetkizdi. Aiman Talǵatqyzynyń sózinshe, eń bastysy – kiimniń jarasýy, jinaqylyq jáne adamnyń óz talǵamy.
"Brend shyǵaratyndardyń ózi sol brendti kimeitinin bilesiz be? Bútin kietin kiim men talǵam bolsa, sol brend. Sen ne kiseń de úilese ketse, demek, sen brendsiń!" – dedi ol.
Jeli qoldanýshylarynyń bir bóligi onyń bul jaýabyn qoldap, qarapaiymdylyq pen talǵam qymbat kiimnen mańyzdy ekenin jazdy.
