«Esimhan» alańynda ótken sharaǵa aýyl sharýashylyǵy salasynyń ardagerleri, eńbek ozattary, kásipkerler, halyq qalaýlylary men sala mamandary qatysty.
Merekelik jiynda oblys ákimi Janseiit Túimebaev sala mamandaryn kásibi merkelerimen quttyqtap, aimaqtyń jetistikterine toqtaldy.
«Óńirimizdegi aýyl sharýashylyq salasynyń jalpy ónim kólemi 475,6 mlrd. teńgege jetip, respýblikada 2 orynǵa qol jetkizdik. Kókónis, baqsha daqyldarynan 2,8 mln. tonnamen rekordtyq ónim jinadyq. 500 myń tonnaǵa jýyq ónimder Resei, Belarýs, Latviia, Germaniia memleketterine, 1 mln. tonnasy elimizdiń soltústik óńirlerine jóneltildi. Qarqyndy baýlardyń kólemi 2800 gektarǵa jetip, eldegi jemis-jidektiń 40 paiyzy, júzimniń 73 paiyzy Túrkistan oblysynda óndirildi. Respýblikadaǵy salynǵan jylyjailardyń 77 paiyzy, tamshylatyp sýǵarý ádisiniń 73 paiyzy da bizdiń óńirge tiesili. Oblysta alǵash ret 6,2 myń tonna et eksporttalyp, respýblika eksportynyń 41 paiyzyn qamtydy. Munyń barlyǵy Sizderdiń etken eńbek, tókken termen kelgen jetistikter dep aitýǵa tolyq negiz bar», – dedi Janseiit Qanseiituly.
Festival aiasynda aýyl sharýashylyǵy salasynda belsendilik tanytyp, úzdik kórsetkishke qol jetkizgen aýdan, qalalar jáne jeke sharýalar QR Premer-Ministrdiń orynbasary aýyl sharýashylyǵy ministri Ómirzaq Estaiulynyń jáne oblys ákiminiń medaldary men arnaiy sertifikatyna ie boldy. Óńir sharýalary «Ozat astyq jinaýshy», «Ozat mal bordaqylaýshy», «Ozat baqsha ósirýshi» syndy 21 nominatsiia boiynsha marapattaldy. Odan bólek, aýdan – qalalar arasynda 16 baǵyt boiynsha úzdikter anyqtaldy.
Sondai-aq, shara barysynda kórme uiymdastyrylyp, onda aýyl sharýashylyǵy ónimderi, asyl tuqymdy tórt túlik maldyń túrleri men ozyq tehnikalar usynyldy.
Sonymen qatar, aýyl sharýashylyǵy ónimderiniń jármeńkesi ótip, onda 182 tonna tabiǵi taza ónimder naryqtaǵy baǵadan 15-20 paiyzǵa arzan baǵada saýdalandy. Qonaqtar úshin 1 tonna palaý men 1 tonna baýyrsaq daiyndalyp, kópshilikke tegin taratyldy.
Alańda ulttyq sporttyń 12 túrinen saiystar ótkizilip, aýdandardan jinalǵan bilektiler men ulttyq sporttyń sheberleri ózara myqtylardy anyqtady. Úzdik atanǵan barlyq qatysýshylar men sportshylarǵa baǵaly syilyqtar tabys etildi.
