Ulybrıtanıanyń Qorǵanys mınıstri Ýkraınaǵa qaraý-jaraqpen kómek kórsetýi Reseıdiń áskerı taktıkasyna baılanysty ózgerip otyratynyn alǵa tartty.
– Qashyqtan soqqy beretin M270 reaktıvti qarýy Ýkraına qalalaryn alystan atqylap, qıratyp jatqan orys áskerine qarqyndy toıtarys bere alady, – dedi Ben Ýolles.
Osy rette aǵylshyndardyń M270 júıesin berýdi AQSH taraby da qoldaǵanyn aıta ketýimiz kerek.
Óıtkeni qarýdyń dál osy túrin amerıkanyń kompanıalary óndiretini belgili. Sondyqtan aǵylshyndar úshinshi elge atalmysh qarýdy AQSH-tyń kelisimimen ǵana bere alady.
Batys elderiniń Ýkraınaǵa qýatty qarýlar berýi Pýtınniń shymbaıyna batqany anyq. Kúni keshe ǵana ol Batys elderi Ýkraınaǵa qashyqtan soqqy beretin qarýlardy berýin toqtatpasa, jańa nysandarǵa soqqy beretinin aıtyp, qorqytqan-dy.
Biraq Ýkraınany odaqtastary Pýtınniń qoqan-loqysyna mán bergen joq. Taıaýda AQSH Ýkraınaǵa kóresetetin 700 mln dollarlyq áskerı kómegine ishine HIMARS zymyrandar keshenin engizgen bolatyn. HIMARS ýkraın sarbazdarynyń qolyna tıetin bolsa, okýpanttarǵa aıtarlyqtaı toıtarys beretini anyq.
