ۇلىبريتانيانىڭ قورعانىس ءمينيسترى ۋكرايناعا قاراۋ-جاراقپەن كومەك كورسەتۋى رەسەيدىڭ اسكەري تاكتيكاسىنا بايلانىستى وزگەرىپ وتىراتىنىن العا تارتتى.
– قاشىقتان سوققى بەرەتىن م270 رەاكتيۆتى قارۋى ۋكراينا قالالارىن الىستان اتقىلاپ، قيراتىپ جاتقان ورىس اسكەرىنە قارقىندى تويتارىس بەرە الادى، – دەدى بەن ۋوللەس.
وسى رەتتە اعىلشىنداردىڭ M270 جۇيەسىن بەرۋدى اقش تارابى دا قولداعانىن ايتا كەتۋىمىز كەرەك.
ويتكەنى قارۋدىڭ ءدال وسى ءتۇرىن امەريكانىڭ كومپانيالارى وندىرەتىنى بەلگىلى. سوندىقتان اعىلشىندار ءۇشىنشى ەلگە اتالمىش قارۋدى اقش-تىڭ كەلىسىمىمەن عانا بەرە الادى.
باتىس ەلدەرىنىڭ ۋكرايناعا قۋاتتى قارۋلار بەرۋى ءپۋتيننىڭ شىمبايىنا باتقانى انىق. كۇنى كەشە عانا ول باتىس ەلدەرى ۋكرايناعا قاشىقتان سوققى بەرەتىن قارۋلاردى بەرۋىن توقتاتپاسا، جاڭا نىساندارعا سوققى بەرەتىنىن ايتىپ، قورقىتقان-دى.
ءبىراق ۋكراينانى وداقتاستارى ءپۋتيننىڭ قوقان-لوقىسىنا ءمان بەرگەن جوق. تاياۋدا اقش ۋكرايناعا كورەسەتەتىن 700 ملن دوللارلىق اسكەري كومەگىنە ىشىنە HIMARS زىمىراندار كەشەنىن ەنگىزگەن بولاتىن. HIMARS ۋكراين ساربازدارىنىڭ قولىنا تيەتىن بولسا، وككۋپانتتارعا ايتارلىقتاي تويتارىس بەرەتىنى انىق.
