ShQO-nyń Ulan aýdanynda 52 jastaǵy er adamnyń úiinen zańsyz saqtalǵan qarý men oq-dáriler tabyldy, dep habarlaidy dalanews.kz.
Politsiianyń málimetinshe, er adamnyń úiin tintý kezinde bir uńǵyly ańshylyq tegis uńǵyly myltyqtyń qoldan jasalǵan qysqartylǵan nusqasy, dabyl revolveri jáne 50-ge jýyq patron tárkilengen.
Er adam qarý men oq-dárilerdiń marqum aǵasynan qalǵanyn túsindirgen.
Atalǵan fakti boiynsha qylmystyq is qozǵaldy.
Politsiia qarýdy nemese oq-dárilerdi zańsyz satyp alý, saqtaý jáne alyp júrý qylmystyq jaýapkershilikke ákep soǵatynyn eske saldy.
Quqyq qorǵaý organdary qarý nemese oq-dári tabylǵan jaǵdaida olarǵa qol tigizbeýge jáne óz betinshe ornyn aýystyrmaýǵa shaqyrdy. Mundai jaǵdaida dereý politsiiaǵa habarlaý qajet.
Politsiianyń málimetinshe, kez kelgen qarý zańnamada belgilengen tártippen ǵana saqtalýy jáne paidalanylýy tiis.
