Energetika ministri Almasadam Sátqaliev Almaty oblysy Jambyl aýdanynda atom elektr stantsiiasyn salý merzimin shamamen eseptedi, dep habarlaidy Dalanews.kz.
Halyqaralyq tájiribede mundai aýqymdy jobalardy jobalaý úsh jylǵa deiin ýaqyt alady.
«Eger jalpy qurylys jobalary týraly aitatyn bolsaq, merzim qysqaraq – shamamen eki jyl ishinde. Biraq negizgi nysannyń qurylysyn tehnikalyq-ekonomikalyq negizdeme, jobalyq qujattama tolyq aiaqtalyp, memlekettik organdardan qajetti ruqsattar alynǵannan keiin birden bastaimyz», – dedi Sátqaliev.
Eske salaiyq, kúni keshe Qazaqstanda AES salynatyn oryn anyqtalǵan bolatyn.
AES Almaty oblysyndaǵy Jambyl aýdanynda salynbaq.
«Almaty oblysynyń Jambyl aýdany – «Atom elektr stantsiiasy» iadrolyq qondyrǵysy salynatyn aýdan týraly sheshim qabyldansyn», - delingen Úkimet qaýly.
Bul sheshim 2024 jylǵy 30 jeltoqsanda qabyldanǵan edi.
Alaida qujat resmi túrde búgin iaǵni 25 aqpanda kúshine enedi.
Buǵan deiin AES qurylysy boiynsha tórt kompaniiamen dialog aiaqtalǵan bolatyn.
