Qazaqstan AES-ke qatysty referendýmdy ótkizýge 15,5 mlrd teńge jumsamaq, - dep habarlaidy Dalanews.kz.
Bul týraly Ortalyq sailaý komissiiasynyń múshesi Sábila Mustafina aitty.
"Referendým týraly zańnyń 20-babyna sáikes, biz ortalyq referendým komissiiasy Úkimetke shyǵyn smetasyn jobasyn daiyndap jiberemiz. Búgin tańerteń ony istedik. Ortalyq komissiianyń daiyndaǵan smetasynda shyǵystardyń jalpy somasy 15,5 mlrd teńge", - deidi Mustafina.
2 qyrkúiekte Prezident Qasym-Jomart Toqaev respýblikalyq referendým ótkizý týraly jarlyqqa qol qoidy. AES salý máselesine qatysty Ulttyq Referendým 6 qazanda ótedi.
"Atom elektr stansasyn salý máselesine qatysty jalpyulttyq referendým biylǵy 6 qazanda ótedi. Búgin tiisti Jarlyqqa qol qoiamyn. Aldaǵy referendým keń aýqymdy jalpyulttyq dialogtyń taǵy bir aiqyn kórinisi bolmaq. Shyn máninde, bul – "Halyq únine qulaq asatyn memleketke" tán sipat. Biz osyndai qadamdar arqyly jańa qoǵamdyq-saiasi mádeniettiń negizin qalaimyz. Mańyzdy memlekettik sheshimder qabyldaýdyń jańa úlgisin jasaimyz", - dedi Toqaev.
Prezidenttiń sózinshe, qazir álemde energiia tapshylyǵy kúsheiip barady. Elimizge senimdi jáne ekologiialyq taza qýat kózderi asa qajet.
