قازاقستان اەس-كە قاتىستى رەفەرەندۋمدى وتكىزۋگە 15،5 ملرد تەڭگە جۇمساماق، - دەپ حابارلايدى Dalanews.kz. 

بۇل تۋرالى ورتالىق سايلاۋ كوميسسياسىنىڭ مۇشەسى ءسابيلا مۇستافينا ايتتى.

"رەفەرەندۋم تۋرالى زاڭنىڭ 20-بابىنا سايكەس، ءبىز ورتالىق رەفەرەندۋم كوميسسياسى ۇكىمەتكە شىعىن سمەتاسىن جوباسىن دايىنداپ جىبەرەمىز. بۇگىن تاڭەرتەڭ ونى ىستەدىك. ورتالىق كوميسسيانىڭ دايىنداعان سمەتاسىندا شىعىستاردىڭ جالپى سوماسى 15،5 ملرد تەڭگە"، - دەيدى مۇستافينا. 

2 قىركۇيەكتە پرەزيدەنت قاسىم-جومارت توقايەۆ رەسپۋبليكالىق رەفەرەندۋم وتكiزۋ تۋرالى جارلىققا قول قويدى. اەس سالۋ ماسەلەسىنە قاتىستى ۇلتتىق رەفەرەندۋم 6 قازاندا وتەدى. 

"اتوم ەلەكتر ستانساسىن سالۋ ماسەلەسىنە قاتىستى جالپىۇلتتىق رەفەرەندۋم بيىلعى 6 قازاندا وتەدى. بۇگىن ءتيىستى جارلىققا قول قويامىن. الداعى رەفەرەندۋم كەڭ اۋقىمدى جالپىۇلتتىق ديالوگتىڭ تاعى ءبىر ايقىن كورىنىسى بولماق. شىن مانىندە، بۇل – "حالىق ۇنىنە قۇلاق اساتىن مەملەكەتكە" ءتان سيپات. ءبىز وسىنداي قادامدار ارقىلى جاڭا قوعامدىق-ساياسي مادەنيەتتىڭ نەگىزىن قالايمىز. ماڭىزدى مەملەكەتتىك شەشىمدەر قابىلداۋدىڭ جاڭا ۇلگىسىن جاسايمىز"، - دەدى توقايەۆ.

پرەزيدەنتتىڭ سوزىنشە، ءقازىر الەمدە ەنەرگيا تاپشىلىعى كۇشەيىپ بارادى. ەلىمىزگە سەنىمدى جانە ەكولوگيالىق تازا قۋات كوزدەرى اسا قاجەت.