Sotta marqum Saltanat Núkenovanyń qaiǵyly oqiǵa bolǵan kúni kigen kiimderi kórsetildi, - dep habarlaidy Dalanews.kz.
Eń aldymen Saltanattyń beldemshesi kórsetildi. Bul kiimderdiń bári qaiǵyly oqiǵa ornynda tabylǵan.
Sonymen qatar, advokattar qara shalbardy alyp shyqty.
Odan bólek, qara aiaq kiimi de kórsetildi.
Eske salaiyq, buǵan deiin Bishimbaevqa qatysty sotta taǵy bir kútpegen esim atalǵan bolatyn. Áielin óltirdi dep aiyptalyp otyrǵan eks-ministr Qýandyq Bishimbaevqa qatysty sot otyrysynda kútpegen málimdeme jasaldy. Búgingi sot otyrysynda Baqytjan Baijanov tergeý izoliatorynda onyń Bishimbaevpen kezdesýin uiymdastyrǵan adam bolǵanyn málimdedi.
Baijanov tergeý izoliatoryna Baýyrjan Mýsin esimdi adam kelgenin aitty.
"Baýyrjan Mýsin maǵan tórt ret keldi. Meni kameradan shyǵaryp aldy. Oǵan barsam, janynda Bishimbaev tur. Iaǵni ol kezdeskisi kelgen. Men birden burylyp, ketip qaldym. Ákimshilikke maǵan jaqyndamasyn dedim, óitkeni onyń maǵan kelýin suramadym. Meniń advokattarym da suramady. Ol sodan keiin de eki-úsh ret kelip, meni Saltanattyń otbasyna qarsy qoiýǵa tyrysty", - dep jaýap berdi Baijanov.
BAQ-ta Baýyrjan Mýsin degen adamnyń esimi 2017, 2018 jyldary jii jazylǵan. Ol sol kezdegi QR Din isteri jáne azamattyq qoǵam ministrliginiń Azamattyq qoǵam isteri jónindegi komiteti tóraǵasynyń orynbasary boldy degen aqparat bar. Sonymen qatar, Mýsinniń 400 myń teńge paramen ustalyp, qamaýǵa alynǵany týraly da derekter bar.
