Kollaj: Dalanews.kz
Marqum Sherzat Bolattyń otbasy kúdiktilerden qansha teńge óndirýdi suraǵany belgili boldy, dep habarlaidy Dalanews.kz.
Marqum Sherzat Bolattyń otbasy kúdiktilerden qansha teńge óndirýdi suraǵany belgili boldy, dep habarlaidy Dalanews.kz.
Advokat Meiirman Shekeevtiń sózinshe, birinshiden, Shynasyl Abzaldan Qarjaýbai Nurymovtyń paidasyna ulynyń jerleý rásimimen qatysty jumsalǵan shyǵynnyń ótemi retinde 2 794 000 (eki million jeti júz toqsan tórt myń) teńge mólsherindegi somany óndirildi.
Shynasyl Abzal Nurǵaliulynan jáne Sakiev Ravil Magomedovichten ortaqtastyryp úlestirip, Nýrýmov Qarjaýbai Polatovichtiń, Beishembieva Gúlbara Asylbekovnanyń, Qadyrova Jumabike Joldasovanyń paidasyna qylmystyq quqyqbuzýshylyqpen keltirilgen moraldyq ziiannyń ótemi retinde 100 000 000 (júz million) teńge mólsherindegi ótemaqy óndirýdi.
Al Belqojaev Shyńǵys, Áskentai Darhan, Iliasov Nurqiias, Toqtaýbaev Azamat, Toqtaýbaev Nurbolat, Qaliahmet Didardan ortaqtastyryp úlestik túrde Nýrýmov Qarjaýbai Polatovichtiń, Beishembieva Gúlbara Asylbekovnanyń, Qadyrova Jumabike Joldasovanyń paidasyna qylmystyq quqyqbuzýshylyqpen keltirilgen moraldyq ziiannyń ótemi retinde 120 000 000 (júz jiyrma million) teńge mólsherindegi ótemaqy óndirýdi surady.
Advokattyń sózinshe, ótemaqy mólsheri psihologiialyq zertteý qorytyndysynyń negizinde suralyp otyr.
Sherzat Bolattyń ólimi týraly ne belgili?
Eske salaiyq, byltyr Talǵarda jappai tóbeles bolyp, saldarynan 16 jastaǵy jasóspirim Sherzat Bolat kóz jumdy.
Kámeletke tolmaǵan balany óltirý deregi boiynsha Almaty oblysynyń Politsiia departamenti qylmystyq is qozǵady. Sondai-aq, olardyń úii órtenip ketti.
Kóp uzamai, iaǵni 9 jeltoqsanda marqum Sherzat Bolattyń aǵasy Nurǵanat Ǵaiypbaev ajal qushty. Politsiia departamenti aldyn ala derekter boiynsha ol sýitsid jasaǵanyn málimdedi. Oǵan dálel retinde politseiler Nurǵanattyń týysyna messendjer arqyly jazǵan hatyn jariia etti.
Al marqum Sherzattyń ákesi baýyry Nurǵanat Ǵaiypbaevty jer qoinyna tapsyrǵanan keiin buqaralyq aqparat quraldarymen kezdesýdi talap etip, kóshege shyqty. Alaida araǵa uzaq ýaqyt salmai Qarjaýbai Nurymovty politsiia qyzmetkerleri ustap áketti. Artynsha Sherzat Bolattyń ápkesi qamaýǵa alyndy. Keiin Qarjaýbai Nurymov 15 táýlikke ákimshilik qamaýǵa alyndy.
