Jýrnalist Gúlbaný Ábenova óziniń «Facebook» jelisindegi birqatar jariialanymdarynda «Orda.kz» basylymynyń bas redaktory Gúlnar Bajkenovanyń qorǵaýshysy advokat Murat Adamnyń ómirbaianynda jaǵymsyz jaittardyń bar ekenin jazady, dep habarlaidy Dalanews.kz.
Ol óz jazbalarynda qorǵaýshynyń 2000-shy jyldardyń sońyndaǵy sottylyǵy, odan keiin sot júiesinde qyzmet atqarýy jáne advokattyq mártebeni qandai negizde alǵany týraly máseleni kóterýde.
Sottylyq jáne qylmystyq istiń mán-jaiy
Ábenovanyń jariialanymdaryna sáikes, 2008 jyly Murat Adam (onyń keibir jazylýshylarynyń aitýynsha, burynǵy familiiasy Baiǵaliev bolǵan) Qazaqstan Respýblikasynyń Qylmystyq kodeksiniń 129 jáne 130-baptary – iaǵni jala jabý jáne qorlaý boiynsha kináli dep tanylǵan.
Keltirilgen málimetke sáikes, qylmystyq is 2007 jylǵy oqiǵaǵa bailanysty bolǵan. Iýrist bolyp júrgen kezinde Murat Adam sot otyrysynan keiin qarsy taraptyń kýágeri bolǵan 68 jastaǵy áiel kisimen janjaldasyp ketip, oǵan balaǵat sóz aitqan. Oqiǵa sot ǵimaratynda bolǵan, sodan keiin áiel politsiiaǵa aryzdanǵan.
Ábenova áreket etip júrgen advokattardyń birine silteme jasai otyryp, sottyń jaza retinde 120 saǵat qoǵamdyq jumys taǵaiyndaǵanyn jazady.
Sonymen qatar, Murat Adamnan 90 myń teńge sot shyǵyndary, sondai-aq 50 myń teńge moraldyq ziian ótemaqysy óndirilgen.
Beinejazba jáne nusqalardyń sáikes kelmeýi
Jýrnalist oqyrmandary jibergen beinejazbaǵa da nazar aýdarady. Video Respýblikalyq advokattar alqasynyń tóraǵasyn sailaý kezinde túsirilgen jáne onda Murat Adam sottylyǵy bar-joǵy týraly suraqqa jaýap beredi.
Beinejazbada advokat bolǵan jaǵdaidy «usaq quqyqbuzýshylyq» dep atap, janjal «kórshi ájeimen» bolǵanyn aitady. Alaida Ábenovanyń aitýynsha, bul nusqa is materialdaryna qaishy: oqiǵa turmystyq jaǵdaida emes, sot ǵimaratynda, al áiel sol istegi kýáger bolǵan.
Jýrnalist qylmystyq istiń qozǵalýyna sot dálizinde telebaǵdarlama operatory túsirgen aýdio jáne beinejazba sebep bolǵanyn jazady. Onyń aitýynsha, bul jazba is materialdaryna tirkelip, operator sotta kýálik bergen. Sóitip, Murat Adamnyń jazbany daýlaýǵa jasalǵan áreketi bolmai qalǵan.
Qalaisha aldymen sýdia bolyp, artynan advokat mártebesin alǵan?!
Gúlbaný Ábenova óz jariialanymdarynda tegin ózgertkennen keiin 2012–2018 jyldary Murat Adam Qostanai qalalyq sotynyń sýdiasy bolyp qyzmet atqarǵanyn da alǵa tartady. Onyń aitýynsha, sol kezde tsifrlyq derekqorlar bolmaǵandyqtan, sottylyq faktisi anyqtalmai qalǵan bolýy múmkin.
Jýrnalist 2018 jyly sottylyǵy týraly málimet belgili bolǵannan keiin Murat Adamnyń sýdia qyzmetinen bosatylǵanyn jazady.
Sonymen qatar, Ábenova óziniń jazylýshylarynyń biriniń habarlamasyna silteme jasaidy. Onyń aitýynsha, bul adam Adam-Baiǵalievpen birge jumys istegen. Ol Murat Adamnyń jumysyn teris sipattap, «kóp intriga jasaǵanyn» aitady, sondai-aq eńbekke jaramsyzdyq paraǵyn qoldan jasaýy múmkin degen málimdeme keltiredi. Bul derekterdiń barlyǵy derekkózdiń jeke pikirleri ekeni arnaiy atap ótiledi.
Suraq kóp, jaýap áli joq...
Osynyń bárin negizge ala otyryp, Gúlbaný Ábenova ýákiletti organdar tarapynan quqyqtyq baǵa berýdi qajet etetin birqatar mańyzdy suraqtardy kóteredi. Birinshiden, qujattardy qoldan jasaý úshin qylmystyq jaýapkershilik kózdelgen be? Ekinshiden, sottylyǵy anyqtalǵan soń sýdia qyzmetinen bosatylǵan adam sol kezeńde alǵan jalaqysyn memleket biýdjetine qaitarýy tiis pe? Sondai-aq onyń sýdia bolǵan kezeńinde shyǵarǵan sot sheshimderi qaita qaralýy kerek?
Eń qyzyǵy Respýblikalyq advokattar alqasy nege úndemei otyr? Dosyńnyń kim ekenin ait, sonda seniń kim ekenińdi aitaiyn degendei, ótkeni kúmándi jaittarǵa toly Murat Adam-Baiǵaliev siiaqty advokat pen Gúlnar Bajkenovanyń bastary qalai qosylyp júr?
