Memleket basshysy Qasym-Jomart Toqaev Ádiletti Qazaqstannyń qalaı qurylyp jatqany týraly sóz qozǵady, dep habarlaıdy Dalanews.kz.

Toqaevtyń aıtýynsha, sońǵy 5 jylda aýqymdy reformalarǵa baılanysty eldegi saıası júıe ózgerdi.

"Búginde jurttyń sana-seziminde betburys bolyp jatyr. Halyqtyń quqyqtyq mádenıeti artyp keledi. Azamattardyń boıynda jańa ádetter, daǵdylar qalyptasyp, jańa qundylyqtar ornyǵýda. Saıası jáne qoǵamdyq bolmysymyz, mentalıtetimiz jáne mádenı kodymyz ózgere bastady. Bir sózben aıtsaq, Ádiletti Qazaqstan qurylyp jatyr", - dep túıindedi Toqaev.

Aıta keteıik,búgin Memleket basshysy Qasym-Jomart Toqaev Qazaqstan halqyna Joldaýyn jarıalap jatyr.

Búgingi jıynǵa Senat pen Májilis depýtattary, ortalyq memlekettik organdardyń basshylary, Ulttyq quryltaı, Adam quqyqtary jónindegi komısıa, Áıelder isteri jáne otbasylyq-demografıalyq saıasat jónindegi ulttyq komısıa músheleri, qoǵam ókilderi jáne eńbek ujymdary qatysady.

Prezıdent Joldaýynda elimizdiń saıası jáne áleýmettik-ekonomıkalyq damý perspektıvalaryna qatysty máseleler qamtylady.