مەملەكەت باسشىسى قاسىم-جومارت توقايەۆ ادىلەتتى قازاقستاننىڭ قالاي قۇرىلىپ جاتقانى تۋرالى ءسوز قوزعادى، دەپ حابارلايدى Dalanews.kz.
توقايەۆتىڭ ايتۋىنشا، سوڭعى 5 جىلدا اۋقىمدى رەفورمالارعا بايلانىستى ەلدەگى ساياسي جۇيە وزگەردى.
"بۇگىندە جۇرتتىڭ سانا-سەزىمىندە بەتبۇرىس بولىپ جاتىر. حالىقتىڭ قۇقىقتىق مادەنيەتى ارتىپ كەلەدى. ازاماتتاردىڭ بويىندا جاڭا ادەتتەر، داعدىلار قالىپتاسىپ، جاڭا قۇندىلىقتار ورنىعۋدا. ساياسي جانە قوعامدىق بولمىسىمىز، مەنتاليتەتىمىز جانە مادەني كودىمىز وزگەرە باستادى. ءبىر سوزبەن ايتساق، ادىلەتتى قازاقستان قۇرىلىپ جاتىر"، - دەپ تۇيىندەدى توقايەۆ.
ايتا كەتەيىك،بۇگىن مەملەكەت باسشىسى قاسىم-جومارت توقايەۆ قازاقستان حالقىنا جولداۋىن جاريالاپ جاتىر.
بۇگىنگى جيىنعا سەنات پەن ءماجىلىس دەپۋتاتتارى، ورتالىق مەملەكەتتىك ورگانداردىڭ باسشىلارى، ۇلتتىق قۇرىلتاي، ادام قۇقىقتارى جونىندەگى كوميسسيا، ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا مۇشەلەرى، قوعام وكىلدەرى جانە ەڭبەك ۇجىمدارى قاتىسادى.
پرەزيدەنت جولداۋىندا ەلىمىزدىڭ ساياسي جانە الەۋمەتتىك-ەكونوميكالىق دامۋ پەرسپەكتيۆالارىنا قاتىستى ماسەلەلەر قامتىلادى.
