Qazaqstanda Quryltai depýtattaryn sailaý boiynsha úgit-nasihat kezeńi resmi túrde bastaldy, dep habarlaidy DalaNews.kz
Soǵan bailanysty «Ádilet» partiiasy respýblikalyq shtabyn ashyp, aldaǵy sailaýaldy naýqannyń basym baǵyttaryn jáne «Ádiletti bolashaq úshin» atty sailaýaldy baǵdarlamasynyń negizgi ustanymdaryn kópshilikke tanystyrdy.
Partiia ókilderiniń aitýynsha, bul qujat sailaýaldy ýádeler jiyntyǵy ǵana emes, eldiń uzaqmerzimdi damýyna baǵyttalǵan naqty is-qimyl jospary. Baǵdarlama jańa Konstitýtsiiada bekitilgen qaǵidattardy iske asyrýǵa, azamattardyń ál-aýqatyn arttyrýǵa jáne ádiletti qoǵam qurýǵa negizdelgen.
Respýblikalyq shtabtyń ashylýynda partiia tóraǵasy aldaǵy sailaý naýqanynyń saiasi mańyzyna toqtalyp, Quryltai sailaýy jańa konstitýtsiialyq reformalardyń zańdy jalǵasy ekenin atap ótti.
«Búgin – 23 shildede Qazaqstan Respýblikasy Quryltaiynyń depýtattaryn sailaý boiynsha úgit-nasihat jumystary resmi túrde bastaldy. Bul – memleket úshin de, qoǵam úshin de airyqsha máni bar oqiǵa. «ÁDILET» partiiasy Memleket basshysy Qasym-Jomart Kemelulynyń reformalaryn, elimizdiń aldynda turǵan zor maqsat-mindetterdi júzege asyrý jolynda barlyq kúsh-jigerin jumsaityn bolady», – dedi partiia tóraǵasy.
Aibek Dádebaidyń aitýynsha, partiianyń basty maqsaty – halyqtyń suranysyn eskereotyryp, naqty nátijege baǵyttalǵan saiasat júrgizý.
«Partiiamyzdyń Sailaýaldybaǵdarlamasy – naqty is pen josparǵa, tiianaqty ári tabandy sheshimderge negizdelgen keshendi qujat», - dep málimdedi Dádebai.
Partiia baǵdarlamasy qalai ázirlendi?
Partiia ókilderi sailaýaldy baǵdarlama qoǵam pikirin eskere otyryp ázirlengenin erekshe atap ótti. Baǵdarlamany daiyndaý barysyndatsifrlyq platformalar men QR-kodtar arqyly turǵyndardyń usynystary jinalǵan, strategiialyq sessiialar uiymdastyrylyp, sarapshylar men salalyq mamandardyń pikirleri taldanǵan. Sonymen qatar áleýmettik zertteýler júrgizilip, óńirlerdegi ózekti máseleler men azamattardyń negizgi suranystaryn nazarǵa alǵan.
Osy jumystardyń nátijesinde partiia el damýynyń 10 basym baǵytyn qamtityn baǵdarlamany usyndy. Onyń ózeginde adam kapitaly, zań ústemdigi, óńirlerdiń damýy, ádil ekonomika, tsifrlandyrý, áleýmettik qoldaý, bilim, ǵylym jáne kásipkerlikti damytý máseleleri tur. Al bul
Partiianyń 2031 jylǵa deiingi 7 naqty maqsaty
Baǵdarlamada aldaǵy bes jylǵa arnalǵan jeti strategiialyq basymdyq aiqyndalǵan.
Turǵyn úi. Jan basyna shaqqandaǵy turǵyn úimen qamtamasyz etý kórsetkishin 30 sharshy metrge deiin jetkizý, apatty turǵyn úilerdi jańartý jáne problemaly úlestik qurylys nysandaryn aiaqtaý.
Densaýlyq saqtaý. Ortasha ómir súrý uzaqtyǵyn 77 jasqa deiin arttyrý, profilaktikalyq meditsinany damytý jáne júrek-qan tamyrlary aýrýlarynan bolatyn ólim-jitimdi azaitý.
Jumyspen qamtý. Resmi eńbek sharttary men áleýmettik kepildikteri bar 1 million sapaly jumys ornyn qurý.
Ekonomika. Orta biznestiń ekonomikadaǵy úlesin 20 paiyzǵa deiin jetkizý, kásipkerler úshin ákimshilik kedergilerdi azaitý jáne qarjylandyrýǵa qoljetimdilikti arttyrý.
Aýyldardy damytý. Bir million aýyl turǵynynyń tabysyn kóbeitý, «Aýyl amanaty» baǵdarlamasynyń múmkindigin ulǵaitý jáne 2,5 paiyzdyq mólsherlememen beriletin jeńildetilgen mikronesieniń qoljetimdi etý.
Azyq-túlik jáne energetikalyq qaýipsizdik.Agroónerkásip ónimderin qaita óńdeýdi ulǵaitý, munai óndirisiniń turaqtylyǵyn saqtaý, jańartylatyn energiia kózderin damytý jáne atom energetikasynyń negizin qalyptastyrý.
Baǵdarlama qarapaiym azamattarǵa ne beredi?
Baǵdarlamada qoǵamnyń ártúrli tobyna arnalǵan naqty bastamalar qamtylǵan.Solardyń eń negizgilerine toqtalyp óteiik.
Jastarǵa sapaly bilim men turaqty jumysqa ornalasý múmkindigin arttyrý. Baǵdarlamaǵa sáikes, jyl saiyn keminde 40 myń jas jumyspen qamtylyp, tálimgerlik júiesi engiziledi. Sonymen birge qaitarymsyz granttar, bilim berý nesieleri, startaptardy qoldaý jáne Astana Hub pen IT-habtar jelisin damytý kózdelgen.
Zeinetkerler úshin profilaktikalyq meditsinaǵa qoljetimdilikti arttyrý, jalǵyzilikti qarttardy uzaqmerzimdi kútýmen qamtý, tsifrlyq saýatty damytý jáne áleýmettik qyzmetterdiń qoljetimdiligin keńeitý josparlanǵan.
Skrining, ambýlatoriialyq baqylaý, infarkttan keiingi kardiologiialyq ońaltýǵa alysqa barmai-aq júginýge bolady. Ár aýdanda invaziiasyz diagnostika ortalyǵy ashylady. Júrekke ýltradybystyq zertteý (ÝDZ) jasaý, arteriialyq qysymdy baqylaý, EKG – oblys ortalyǵyna sabylmai-aq jasalady.
Balabaqshadaǵy oryn tapshylyǵyn joiý.Qazaqstandyq ár bala qai óńirde turatynyna qaramastan úiiniń janyndaǵy balabaqshadan oryn alady. Osylaisha, 2–6 jastaǵy balalar arasynda balabaqsha kezegin tolyq joiýdy kózdep otyr.
Úsh jasqa tolmaǵan balasy bar ata-analarǵa yńǵaily jumys kestesin jáne qashyqtan jumys isteý quqyǵyn berý – mindetti bolady. Osy kezeńde olardyń jumyspen qamtylýy men tabysy saqtalady.
Ipoteka syiaqysy boiynsha salyqtan shegerim qaitarylady. Tutynýshy nesiesiniń shekti quny ádil bolyp, qosymsha komissiialar azaiady, qaryzdy retteýdiń túsinikti tetigi engizilip, qaryzdan qutylý jeńildeidi.
Aýyl turǵyndarynyń 97 paiyzy internetke qol jetkizedi. Qashyqtan bilim alý, telemeditsina, aýyl sharýashylyǵy ónimderin tsifrlyq jolmen ótkizý – kedergisiz bolady.
Jergilikti joldardyń bári – 86 paiyzdan 95 paiyzǵa deiin normaǵa sai bolady.
Negizgi azyq-túlik baǵasy boljaýǵa keletindei bolady – áleýmettik mańyzy bar taýarlar baǵasyn turaqtandyrýdyń biryńǵai júiesi jasalady.
9 perinataldyq ortalyq jelisiniń qurylysy aiaqtalady. Ár ana men ár bala qai óńirde turǵanyna qaramastan álemdik standarttar deńgeiinde kómek alady.
Kásipkerler úshin biznes ashý rásimderin jeńildetý, ákimshilik qysymdy azaitý, ofteik-kelisimsharttardy damytý, franchaizingti qoldaý, salyqtyq ákimshilendirýdi tsifrlandyrý jáne joǵary tehnologiialyq óndiristerge investitsiialyq yntalandyrý sharalary usynylǵan.
Tsifrlandyrý men jasandy intellektigebasymdyq berý
Baǵdarlamadaǵy negizgi baǵyttardyń biri – tsifrlyq memleket qalyptastyrý.
Partiia barlyq eldi mekendi keń jolaqty internetpen qamtýdy, ulttyq jasandy intellekt infraqurylymyn damytýdy, AI Hub pen derekterdi óńdeý ortalyqtarynyń klasterin iske qosýdy, CryptoCity jobasyn júzege asyrýdy, tsifrlyq qyzmetterdiń biryńǵai platformasyn qalyptastyrýdy jáne jasandy intellektini memlekettik basqarý men ekonomikanyń negizgi salalaryna engizýdi usynady.
Sonymen qatar azamattardyń tsifrlyq quqyǵyn qorǵaý, jeke derekterdiń qaýipsizdigin kúsheitý, tsifrlyq alaiaqtyqpen kúresý jáne balalar úshin qaýipsiz tsifrlyq orta qalyptastyrý máseleleri de baǵdarlamada kórinis tapqan.
Aita keteiik, «Ádilet» partiiasynyń respýblikalyq shtabynan bólek 20 óńirde aimaqtyq jáne 226 aýmaqtyq shtab jumys isteidi. El boiynsha 30 myń senimdi ókil sailaý naýqanyna qatysady. Úgit-nasihat jumystary aiasynda túrli baǵytta 21 myńnan astam is-shara ótkizý josparlanǵan.
«Partiianyń Sailaýaldy baǵdarlamasyn ár azamatqa, ár otbasyna qarapaiym ári túsinikti tilmen, egjei-tegjeili jetkizý kerek. Azamattarmen ashyq, shynaiy dialog júrgizgen jón. Sebebi, biz úshin árbir otandasymyzdyń talap-tilegi, úni asa mańyzdy. Ár sailaýshynyń daýysy da asa mańyzdy», – dedi partiia tóraǵasy.
Partiia sondai-aq sailaýaldy ýádelerdiń oryndalýyn ashyq baqylaýǵa múmkindik beretin arnaiy tsifrlyq monitoring panelin iske qosýdy josparlap otyr. Onda árbir azamat bastamalardyń oryndalý barysyn baqylap, olardyń qandai kezeńde turǵanyn kóre alady.
Partiia ókilderiniń aitýynsha, «Ádiletti bolashaq úshin» baǵdarlamasynyń túpki maqsaty – Konstitýtsiiada bekitilgen qaǵidattardy naqty memlekettik sheshimderge ainaldyryp, qazaqstandyqtardyń ómir sapasyn arttyrýǵa negiz bolatyn uzaqmerzimdi damý modelin qalyptastyrý.
