Áleýmettik jelide Elmar Hýsainov esimdi qoldanýshy Qazaqstannyń soltústik óńirlerine qatysty málimdeme jariialady. Alaida ministrlik bul jazbadaǵy aqparatty feik dep atady, dep habarlaidy Dalanews.kz.
Ol óz jazbasynda:
"Ádilet ministri Sársembaev soltústik oblystarǵa jeke quqyqtyq mártebe usyndy. Bul neni bildiredi? Kim ne biledi?", - dep jazǵan.
Atalǵan jazbadan keiin jelide Ádilet ministri Erlan Sársembaev elimizdiń soltústik aimaqtaryna erekshe quqyqtyq mártebe berýdi usyndy degen mazmundaǵy aqparat keńinen tarai bastady.
Alaida Qazaqstan Respýblikasynyń Ádilet ministrligi bul málimettiń shyndyqqa sáikes kelmeitinin resmi túrde málimdedi.
Ministrlik taratqan aqparatta áleýmettik jelilerde jariialanǵan mundai derekterdiń jalǵan ekeni atap ótti.
Sondai-aq vedomstvo jalǵan aqparat taratý Qazaqstan Respýblikasynyń zańnamasyna sáikes qylmystyq jaýapkershilikke ákep soǵýy múmkin ekenin eskertti.
Osyǵan bailanysty Ádilet ministrligi azamattar men buqaralyq aqparat quraldaryn tek resmi derekkózderge jáne tekserilgen aqparatqa súienýge shaqyrdy.
