الەۋمەتتىك جەلىدە ەلمار حۋساينوۆ ەسىمدى قولدانۋشى قازاقستاننىڭ سولتۇستىك وڭىرلەرىنە قاتىستى مالىمدەمە جاريالادى. الايدا مينيسترلىك بۇل جازباداعى اقپاراتتى فەيك دەپ اتادى، دەپ حابارلايدى Dalanews.kz.
ول ءوز جازباسىندا:
"ادىلەت ءمينيسترى سارسەمبايەۆ سولتۇستىك وبلىستارعا جەكە قۇقىقتىق مارتەبە ۇسىندى. بۇل نەنى بىلدىرەدى؟ كىم نە بىلەدى؟"، - دەپ جازعان.
اتالعان جازبادان كەيىن جەلىدە ادىلەت ءمينيسترى ەرلان سارسەمبايەۆ ەلىمىزدىڭ سولتۇستىك ايماقتارىنا ەرەكشە قۇقىقتىق مارتەبە بەرۋدى ۇسىندى دەگەن مازمۇنداعى اقپارات كەڭىنەن تاراي باستادى.
الايدا قازاقستان رەسپۋبليكاسىنىڭ ادىلەت مينيسترلىگى بۇل مالىمەتتىڭ شىندىققا سايكەس كەلمەيتىنىن رەسمي تۇردە مالىمدەدى.
مينيسترلىك تاراتقان اقپاراتتا الەۋمەتتىك جەلىلەردە جاريالانعان مۇنداي دەرەكتەردىڭ جالعان ەكەنى اتاپ ءوتتى.
سونداي-اق ۆەدومستۆو جالعان اقپارات تاراتۋ قازاقستان رەسپۋبليكاسىنىڭ زاڭناماسىنا سايكەس قىلمىستىق جاۋاپكەرشىلىككە اكەپ سوعۋى مۇمكىن ەكەنىن ەسكەرتتى.
وسىعان بايلانىستى ادىلەت مينيسترلىگى ازاماتتار مەن بۇقارالىق اقپارات قۇرالدارىن تەك رەسمي دەرەككوزدەرگە جانە تەكسەرىلگەن اقپاراتقا سۇيەنۋگە شاقىردى.
