Ádilbek Niiazymbetov shańyraq kótermek
Ádilbek Niiazymbetov Tokiodaǵy olimpiadaǵa ázirlene me, ol jóninde áli sheshim qabyldaǵan joq. Biraq ta óziniń súiiktisin tapqanyn senimmen aitty jáne eki aidan keiin úilenbekshi.
– Ókinishke qarai men óz jańalyǵymmen jankúierlerimniń unjyrǵasyn túsirýim múmkin, biraq ta shynymdy aitaiyn, meniń qalyńdyǵym bar jáne bir-er aidyń ishinde úilený toiy ótedi, – dedi boksshy.
Ádilbek Niiazymbetov kimmen saiysqa túsý qiyn degen suraqqa, barlyq qarsylastarym da kúshti boldy, dep jaýap qaitardy.
– Óte qiyn boldy, Qazaqstannyń búkil halqynyń senimin aqtaý qajet boldy. Biz qoldan kelgenniń bárin isteimiz. Degenmen finaldyq urysqa qanaǵattanbaǵan sezim qaldy. Jeńýime de múmkindik bar edi, biraq onyń sáti túspedi. Soǵan ózime yzam kelip júr, «altynǵa» qolsozym qalǵanda, jete almadym. Prezident meni altyn chempion esebinde marapattady, men buǵan qýanyshtymyn, alaida báribir tuǵyrdyń birinshi satysynda turmaǵasyn ózime renjýlimin, – dedi Ádilbek Niiazymbetov.
Ádilbek Niiazymbetov Aqtaý halqyna qoldaýy úshin rizashylyǵyn bildirdi.
– Men oblystyq sport basqarmasyna jáne ózimniń jattyqtyrýshym Marat Jákievke qoldaýy úshin rizamyn. Olimpiada kezinde maǵan WhatsApp arqyly bizdiń urystardyń beine onlain-transliatsiiasyn jiberdi. Bul man kúsh berdi, bar kúsh-jigerimdi jumsaýǵa janydy, óitkeni ol úlken jaýapkershilik bolatyn, – dep atap ótti Niiazymbetov.
Eske sala keteiik, Riodaǵy Olimpiadada 81 kelige deiingi salmaqtaǵy qazaqstandyq boksshy Ádilbek Niiazymbetov álemniń úsh dúrkin chempiony (2011, 2013, 2015) kýbalyq Hýlio Sesar la Krýsty eńsere almady.
Derekkózi: «Qazaqparat» agenttigi
