ادىلبەك نيازىمبەتوۆ توكيوداعى وليمپياداعا ازىرلەنە مە، ول جونىندە ءالى شەشىم قابىلداعان جوق. ءبىراق تا ءوزىنىڭ سۇيىكتىسىن تاپقانىن سەنىممەن ايتتى جانە ەكى ايدان كەيىن ۇيلەنبەكشى.
– وكىنىشكە قاراي مەن ءوز جاڭالىعىممەن جانكۇيەرلەرىمنىڭ ۇنجىرعاسىن ءتۇسىرۋىم مۇمكىن، ءبىراق تا شىنىمدى ايتايىن، مەنىڭ قالىڭدىعىم بار جانە بىر-ەر ايدىڭ ىشىندە ۇيلەنۋ تويى وتەدى، – دەدى بوكسشى.
ادىلبەك نيازىمبەتوۆ كىممەن سايىسقا ءتۇسۋ قيىن دەگەن سۇراققا، بارلىق قارسىلاستارىم دا كۇشتى بولدى، دەپ جاۋاپ قايتاردى.
– وتە قيىن بولدى، قازاقستاننىڭ بۇكىل حالقىنىڭ سەنىمىن اقتاۋ قاجەت بولدى. ءبىز قولدان كەلگەننىڭ ءبارىن ىستەيمىز. دەگەنمەن فينالدىق ۇرىسقا قاناعاتتانباعان سەزىم قالدى. جەڭۋىمە دە مۇمكىندىك بار ەدى، ءبىراق ونىڭ ءساتى تۇسپەدى. سوعان وزىمە ىزام كەلىپ ءجۇر، «التىنعا» قولسوزىم قالعاندا، جەتە المادىم. پرەزيدەنت مەنى التىن چەمپيون ەسەبىندە ماراپاتتادى، مەن بۇعان قۋانىشتىمىن، الايدا ءبارىبىر تۇعىردىڭ ءبىرىنشى ساتىسىندا تۇرماعاسىن وزىمە رەنجۋلىمىن، – دەدى ادىلبەك نيازىمبەتوۆ.
ادىلبەك نيازىمبەتوۆ اقتاۋ حالقىنا قولداۋى ءۇشىن ريزاشىلىعىن ءبىلدىردى.
– مەن وبلىستىق سپورت باسقارماسىنا جانە ءوزىمنىڭ جاتتىقتىرۋشىم مارات جاكييەۆكە قولداۋى ءۇشىن ريزامىن. وليمپيادا كەزىندە ماعان WhatsApp ارقىلى ءبىزدىڭ ۇرىستاردىڭ بەينە ونلاين-ترانسلياسياسىن جىبەردى. بۇل مان كۇش بەردى، بار كۇش-جىگەرىمدى جۇمساۋعا جانىدى، ويتكەنى ول ۇلكەن جاۋاپكەرشىلىك بولاتىن، – دەپ اتاپ ءوتتى نيازىمبەتوۆ.
ەسكە سالا كەتەيىك، ريوداعى وليمپيادادا 81 كەلىگە دەيىنگى سالماقتاعى قازاقستاندىق بوكسشى ادىلبەك نيازىمبەتوۆ الەمنىڭ ءۇش دۇركىن چەمپيونى (2011، 2013، 2015) كۋبالىق حۋليو سەسار لا كرۋستى ەڭسەرە المادى.
دەرەككوزى: «قازاقپارات» اگەنتتىگى
