Qazaqstanda týrizm salasy kóptegen kúrdeli máselelerge tap bolyp otyr. Bul týraly Premer-ministr Oljas Bektenov Úkimettegi brifing barysynda málimdedi, dep habarlaidy Dalanews.kz.
Onyń aitýynsha, elimizdegi kóptegen demalys oryndary álemdik standart túgili, qaýipsizdik pen jailylyqqa qatysty eń qarapaiym talaptarǵa da sáikes kelmeidi.
“Jumys júrgiziletin bolady. Ókinishke qarai, bul salada bizge tán “aýrý” bar. Árdaiym bári daiyn degen ádemi esepter keledi, biraq is júzinde olai bolmai shyǵady. Munda Úkimet tarapynan kemshilik bolǵanyn ashyq moiyndaimyz”, — dedi Bektenov.
Sondai-aq ol ózi sońǵy ret Alakólde 2021 jyly demalǵanyn, al jumys saparlarymen Kenderli kýrorttyq aimaǵynda bolǵanyn atap ótti.
Buǵan deiin Memleket basshysy Qasym-Jomart Toqaev Alakól jaǵalaýynyń týristik maýsymǵa daiyn emestigin synǵa alyp, jaýapty tulǵalardy jaýapkershilikke tartýdy tapsyrǵan edi. Prezidenttiń synynan keiin Alakól jaǵasynda jedel keńes ótkizildi. Artynsha vitse-premer Ermek Kósherbaev pen Týrizm jáne sport ministri Erbol Myrzabosynov óńirlerge attandy.
