Burynǵy KVN ártisi, rejisser ári shoýmen Nurtas Adambai Astanadaǵy sot aldynda jaýap beredi. Bul týraly aqparat Sot keńsesinde paida boldy, - dep habarlaidy Dalanews.kz.
Is Astananyń ákimshilik quqyq buzýshylyq ister jónindegi mamandandyrylǵan aýdanaralyq sotynda qaralyp jatyr. Nurtas Adambaiǵa Ákimshilik quqyq buzýshylyq týraly kodeksiniń 490-babynyń 1-bóliginiń 4-tarmaǵyn buzdy degen aiyp taǵylyp otyr.
Sonymen qatar Sot kabinetinde jariialanǵan materialdarda osy baptyń 1-bóliginiń 3-tarmaǵy kórsetilgen: dini ádebietti jáne dini mazmundaǵy ózge de materialdardy, dini maqsattaǵy zattardy ákelýge, ázirleýge, shyǵarý, basyp shyǵarý jáne (nemese) taratý.
Atalǵan quqyq buzýshylyqtar úshin jeke tulǵalarǵa – 50 AEK mólsherinde (184 600 teńge), zańdy tulǵalarǵa – 200 AEK mólsherinde (738 400 teńge) aiyppul qarastyrylǵan, sonymen birge qyzmetin toqtatýy kerek.
Isti tyńdaý beisenbi, 1 tamyzda WhatsApp-taǵy videokonferentsiia arqyly ótedi dep josparlanǵan.
Nurtas Adambai "Ákim", "Kelinka Sabina" filmderi jáne basqa da jobalarymen keńinen tanymal.
Eske salaiyq, buǵan deiin dinge bet burǵan Nurtas Adambai Toqaev, Pýtin men Lýkashenkodan keshirim suraǵanyn jazǵan edik.
Eń aldymen Nurtas Adambai Májilis depýtaty Rinat Zaitovtan keshirim suraǵan.
"Aqymaqtyǵymnyń kesirinen biraz ýaqyt buryn Rinat Zaitovty aiyptaǵanym úshin keshirim suraimyn. Elimizdi damytýǵa qosyp jatqan úlesi úshin alǵys aitamyn", - deidi Adambai.
Artynsha Nurtas Adambai prezident Qasym-Jomart Toqaevtan, RF basshysy Vladimir Pýtinnen, Belarýs basshysy Aleksandr Lýkashenkodan jáne eks-prezident Nursultan Nazarbaevtan keshirim suraǵan.
Adambai keshirim surap jazǵan mátin biryńǵai. Ol bir kezderi áleýmettik jelide prezidentter týraly ázil aitqany úshin keshirim surap, olardyń eldiń damýy úshin qosqan úlesterin atap ótken.
Sonymen qatar, ázilkesh reseilik ánshi Andrei Makarevichten de keshirim suraǵan.
«Andrei Makarevichten bir kezderi áleýmettik jeli arqyly ar-namysyna tigenim úshin keshirim suraimyn», - deidi Adambai.
Odan bólek, Nurtas Adambai áleýmettik jeli qoldanýshylarynan da keshirim suraǵan.
Ázilkeshtiń nelikten mundai qadamǵa barǵany belgisiz.
