بۇرىنعى كۆن ءارتىسى، رەجيسسەر ءارى شوۋمەن نۇرتاس ادامباي استاناداعى سوت الدىندا جاۋاپ بەرەدى. بۇل تۋرالى اقپارات سوت كەڭسەسىندە پايدا بولدى، - دەپ حابارلايدى Dalanews.kz.

ءىس استانانىڭ اكىمشىلىك قۇقىق بۇزۋشىلىق ىستەر جونىندەگى مامانداندىرىلعان اۋدانارالىق سوتىندا قارالىپ جاتىر. نۇرتاس ادامبايعا اكىمشىلىك قۇقىق بۇزۋشىلىق تۋرالى كودەكسىنىڭ 490-بابىنىڭ 1-بولىگىنىڭ 4-تارماعىن بۇزدى دەگەن ايىپ تاعىلىپ وتىر.

سونىمەن قاتار سوت كابينەتىندە جاريالانعان ماتەريالداردا وسى باپتىڭ 1-بولىگىنىڭ 3-تارماعى كورسەتىلگەن: ءدىني ادەبيەتتى جانە ءدىني مازمۇنداعى وزگە دە ماتەريالداردى، ءدىني ماقساتتاعى زاتتاردى اكەلۋگە، ازىرلەۋگە، شىعارۋ، باسىپ شىعارۋ جانە (نەمەسە) تاراتۋ.

اتالعان قۇقىق بۇزۋشىلىقتار ءۇشىن جەكە تۇلعالارعا – 50 اەك مولشەرىندە (184 600 تەڭگە)، زاڭدى تۇلعالارعا – 200 اەك مولشەرىندە (738 400 تەڭگە) ايىپپۇل قاراستىرىلعان، سونىمەن بىرگە قىزمەتىن توقتاتۋى كەرەك.

ءىستى تىڭداۋ بەيسەنبى، 1 تامىزدا WhatsApp-تاعى ۆيدەوكونفەرەنسيا ارقىلى وتەدى دەپ جوسپارلانعان.

نۇرتاس ادامباي "اكىم"، "كەلينكا سابينا" فيلمدەرى جانە باسقا دا جوبالارىمەن كەڭىنەن تانىمال.

ەسكە سالايىق، بۇعان دەيىن دىنگە بەت بۇرعان نۇرتاس ادامباي توقايەۆ، پۋتين مەن لۋكاشەنكودان كەشىرىم سۇراعانىن جازعان ەدىك. 

ەڭ الدىمەن نۇرتاس ادامباي ءماجىلىس دەپۋتاتى رينات زايتوۆتان كەشىرىم سۇراعان.

"اقىماقتىعىمنىڭ كەسىرىنەن ءبىراز ۋاقىت بۇرىن رينات زايتوۆتى ايىپتاعانىم ءۇشىن كەشىرىم سۇرايمىن. ەلىمىزدى دامىتۋعا قوسىپ جاتقان ۇلەسى ءۇشىن العىس ايتامىن"، - دەيدى ادامباي.

ارتىنشا نۇرتاس ادامباي پرەزيدەنت قاسىم-جومارت توقايەۆتان، رف باسشىسى ۆلاديمير پۋتيننەن، بەلارۋس باسشىسى الەكساندر لۋكاشەنكودان جانە ەكس-پرەزيدەنت نۇرسۇلتان نازاربايەۆتان كەشىرىم سۇراعان.

ادامباي كەشىرىم سۇراپ جازعان ءماتىن ءبىرىڭعاي. ول ءبىر كەزدەرى الەۋمەتتىك جەلىدە پرەزيدەنتتەر تۋرالى ءازىل ايتقانى ءۇشىن كەشىرىم سۇراپ، ولاردىڭ ەلدىڭ دامۋى ءۇشىن قوسقان ۇلەستەرىن اتاپ وتكەن.

سونىمەن قاتار، ازىلكەش رەسەيلىك ءانشى اندرەي ماكاريەۆيچتەن دە كەشىرىم سۇراعان.

«اندرەي ماكاريەۆيچتەن ءبىر كەزدەرى الەۋمەتتىك جەلى ارقىلى ار-نامىسىنا تيگەنىم ءۇشىن كەشىرىم سۇرايمىن»، - دەيدى ادامباي.

ودان بولەك، نۇرتاس ادامباي الەۋمەتتىك جەلى قولدانۋشىلارىنان دا كەشىرىم سۇراعان.

ازىلكەشتىڭ نەلىكتەن مۇنداي قادامعا بارعانى بەلگىسىز.