Elitalyq «Arlan» arnaiy jasaǵynyń qyzmetkerleri Kókshetaýda buzaqylyq jáne adam urlaý isi boiynsha sottaldy, dep habarlaidy Dalanews.kz KazTAG-qa siltep.
Kókshetaý qalasynyń sýdiasy Nazgúl Úztajanova tórt burynǵy politseidi aldyn ala sóz bailasý arqyly jasalǵan buzaqylyq jáne adam urlaý boiynsha kináli dep tanydy. Alaida, aiyptalýshylar jábirlenýshilerdi óz erkimen bosatqanyn eskere otyryp, bul bólim boiynsha olar jazadan bosatyldy. Nátijesinde sottalǵandar eki jyldan eki jyl alty aiǵa deiin bas bostandyǵyn shekteý jazasyna kesilip, probatsiialyq baqylaý belgilendi. Sonymen qatar, sottalǵandar jábirlenýshilerge 1,8 mln teńge kóleminde moraldyq shyǵyn jáne zańgerlik qyzmetterdiń shyǵynyn óteýge mindetteldi.
2024 jyldyń mamyr aiynda Kókshetaý turǵyny el prezidenti Qasym-Jomart Toqaevqa videoúndeý joldady. Ol beinejazbada politseiler esh sebepsiz onyń baýyrlaryn, olardyń bireýi onkologiialyq aýrýmen aýyratyn naýqas ekenin bile tura soqqyǵa jyqqanyn habarlady. Bul video áleýmettik jelilerde taralyp, qoǵamda úlken rezonans týdyrdy. Jaǵdaiǵa qatysty tergeý bastalyp, oqiǵaǵa «Arlan» arnaiy jasaǵynyń qyzmetkerleriniń qatysy bar ekeni anyqtaldy.
Aiyptaý materialdary ótken jyldyń qyrkúiek aiynda qalalyq sotqa tústi. Sot aldynda politsiia departamentiniń oqý-jattyǵý vzvodynyń tórt burynǵy inspektory jaýapqa tartyldy.
Sotta aiyptalýshylardyń biri – eks-politsei «B» 1 mamyr kúni arnaiy tapsyrmany oryndaý úshin kamýfliaj kiip, memlekettik nómiri bar qyzmettik kólikpen shyqqanyn aitty. Keshke qarai bazaǵa qaityp kele jatqanda, «VAZ 21101» kóliginiń júrgizýshisi esh sebepsiz olarǵa jaryǵyn qaita-qaita jaǵyp, belgi bergen. Politsei júrgizýshiden bul áreketiniń sebebin suraýǵa tyrysqanda, onyń agressivti áreketine jáne balaǵat sózderine tap bolǵanyn aitty. Al jolaýshysy (keiin belgili bolǵandai – júrgizýshiniń kámeletke tolmaǵan inisi) olarǵa orynsyz qylyq kórsetken.
Keiin olar kólikterin turaqqa toqtatyp, onda «VAZ 21101» júrgizýshisi aiqailap, balaǵat sózder aityp, olarǵa shabýyl jasaǵan. Aiǵaqtarǵa sáikes, bul kikiljiń tóbeleske ulasqan, sodan keiin olar jigitterdi qaladan tys jerge aparyp, bosatyp jibergen.
Al jábirlenýshi «K» óz kezeginde politsiianyń qyzmettik kóligi olardyń jolyn keskenin aityp, sol sebepti jaryǵyn jaǵyp belgi bergenin málimdedi. Olar turaqqa toqtaǵan kezde, politseiler tarapynan soqqyǵa jyǵylyp, keiin ózderin qala syrtyna aparyp, eger bireýge aitsa, óltiretinin aityp qorqytqan. Jábirlenýshiler aiyptalýshylarǵa bas bostandyǵynan aiyrý jazasyn taǵaiyndaýdy surady.
Sot-meditsinalyq saraptamanyń qorytyndysy boiynsha, jábirlenýshiler alǵan soqqylardan jeńil dárejede dene jaraqatyn alǵan. Sarapshylar olardyń denesinde syrylǵan izder, kógerýler, al bireýinde mi shaiqalý belgileri baryn anyqtady.
