Adam aǵzalaryn saýdalaýmen aınalysqan kúdikti Polshadan ekstradısıalandy, dep habarlaıdy Dalanews.kz.
Bas prokýratýra men Interpoldyń Ulttyq ortalyq búrosynyń qyzmetkerleri Qazaqstan Syrtqy ister mınıstrliginiń kómegimen Polshadan adam aǵzalaryn satqany úshin izdeýde júrgen Ýkraına azamatyn ekstradısıalady.
Ol 2017-2018 jyldar aralyǵynda transulttyq uıymdasqan qylmystyq toptyń múshesi bola otyryp, adam aǵzalaryn zańsyz satyp alý-satýmen aınalysqan degen kúdikke ilindi.
Onyń róli donorlar men resıpıentter izdeý jáne olardyń arasyndaǵy kezdesýlerdi uıymdastyrý, organdardy satyp alý-satý men transplantasıalaý operasıalaryn qupıa ustaý jáne uıymdastyrýshylyq qoldaýdy qamtamasyz etý boldy.
Jalpy alǵanda, qylmystyq top músheleri Qazaqstan aýmaǵynda jáne basqa elderde tiri adamdardyń organdarymen 56 zańsyz mámile jasap, ıaǵnı Qazaqstan Respýblıkasynyń densaýlyq saqtaý uıymdarynda satyp alý-satý jáne keıinnen transplantasıalaýdy uıymdastyrǵan.
Qylmys jasaǵannan keıin kúdikti qylmystyq qýdalaý organdarynan jasyrynyp, 5 jyl boıy halyqaralyq izdeýde bolǵan.
Aǵymdaǵy jyldyń naýryz aıynda ol Polsha shekarasyn kesip ótpek bolǵan kezde ustalyp, Qazaqstan Respýblıkasy Bas prokýratýrasynyń suraýy boıynsha Qazaqstanǵa ekstradısıalandy.
Qazir kúdikti ýaqytsha ustaý ızolátoryna qamaldy.
Aıyptalǵan qylmystardy jasaǵany úshin múlki tárkilenip, segiz jyldan on eki jylǵa deıingi merzimge bas bostandyǵynan aıyrý jazasy qarastyrylǵan.
Aıta keteıik, buǵan deıin bul qylmystyq uıymnyń 2 múshesi Túrkıa men Reseıden qaıtarylǵan bolatyn.
