2025 jyldyń 10 qazanda E.Rahmadiev atyndaǵy Memlekettik akademiialyq filarmoniia qabyrǵasynda Jumysshy mamandyqtary jyly men Eńbek kúnine arnalǵan «Adal eńbek – adal azamat» atty qalalyq merekelik is-shara ótti, dep habarlaidy Dalanews.kz.
Atalǵan sharanyń basty maqsaty - jumysshy mamandyqtarynyń mártebesin kóterý, eńbekke adaldyqty dáripteý jáne kásibi sheberligimen kózge túsken eńbek ozattaryn qoǵam nazaryna usyný. Sonymen qatar, bul kún- elbasy Jarlyǵymen bekitilgen Eńbek kúni merekesin laiyqty apat ótýge, eńbek adamdaryna degen qurmetti arttyrýǵa baǵyttalǵan.
Merekelik jiyn barysynda «Eńbek joly» jáne «Paryz» konkýrstarynyń óńirlik kezeń jeńimpazdary saltanatty túrde marapattaldy. Máselen, «Úzdik eńbek áýleti» nominatsiiasy boiynsha III oryn iegeri Smaǵulovtar ustazdar áýleti, bul nominatsiianyń II oryn iegeri Bekjanovtar ustazdar áýleti bolsa, I oryndy Býrlinovtar temorjylshylar áýleti iemdendi. Sonymen qatar, «Jumys isteitin jastardyń úzdik tálimgeri» nominatsiiasy boiynsha III oryn iegeri Sáýlebaeva Alma Turarqyzy, II oryndy Syzdyqov Muratbek Torǵaiuly, al I oryndy Sháikenov Disembai Beisembaiuly alǵan edi.
«Eńbekti qorǵaý salasyndaǵy úzdik kásiporyn» nominatsiiasy (iri kásipkerlik sýbektisi) boiynsha III oryn iegeri «Modex Astana» jaýapkershiligi shekteýli seriktestigi, II oryndy «Tsentrkazenergomontaj» aktsionerlik qoǵamy, I oryn iegeri «Dar Rail» jaýapkershiligi shekteýli seriktestigi jeńis tuǵyrynan kórindi.
«Bul - jai ǵana marapat emes, bul- bizdiń ujymnyń eńbegine berilgen joǵary baǵa»
«Bul marapat- biz úshin jai ǵana júlde emes, bul- bizdiń komandaǵa, áriptesterimizge berilgen úlken qurmet pen moiyndaý. Sebebi biz kún saiyn aianbai eńbek etip, jaýapty salanyń júgin kóterip kelemiz,- dep atap ótti «Dar Rail» jaýapkershiligi shekteýli seriktestiginiń bas direktory Diýsenov Rinatt I oryn alýyna bailanysty.
- Osyndai marapat pen moiyndaý bizge jańa serpin beredi. Bul- durys baǵytta kele jatqanymyzdyń dáleli. Demek, biz jumysymyzdy adal ári kásibi deńgeide atqaryp júrmiz. Bul tek basshylyqtyń emes, búkil ujymnyń ortaq jetistigi,- dep atap ótti ol.
-Qazirgi tańda kompaniiada 600 qyzmetker eńbek etedi. Olardyń basym bóligi- óndiristik personal: mashinister, slesarlar, júk qabyldap- tapsyrýshy mamandar, injenerler men tehnikalyq qyzmetkerler. Olar elimizdiń tórt oblysynda, bes qalasynda tabysty qyzmet atqarýda,- dep qýanyshymen bólisti.
Jumysshy mamandyqtarynyń úzdik ókilderine qala ákiminiń atynan alǵys hattar, diplomdar, gúl shoqtary men estelik syilyqtar tabys etildi. Biylǵy Jumysshy mamandyqtary jyly- eńbek adamynyń qoǵamdaǵy bedelin kóterýge, jastardy naqty kásipke baýlýǵa jáne eńbekke degen kózqarasty jańǵyrtýǵa arnalǵan mańyzdy bastama. Bul - el ekonomikasynyń irgetasyn qalaýshy qarapaiym jumysshylardyń eńbegin baǵalaý, olardyń úlesin laiyqty deńgeide nasihattaý jolyndaǵy úlken qadam.
Adal eńbegimen elge úlgi bolǵan azamattar qurmetke laiyq!
