Máskeýde Muhtar Ábliazovtiń sybailasy Aleksandr Potkin (Aleksandr Belov laqap atymen de belgili) syrttai qamaýǵa alyndy. Ol BTA Bank salymshylarynyń aqshasyn urlap, zańdastyryp alǵan degen kúdikke ilingen bolatyn, - dep habarlaidy Dalanews.kz.
Bul týraly TASS agenttigi jazdy.
Potkinge qylmystyq jolmen alynǵan aqshanyń izin jasyrdy degen aiyp taǵylǵan. Áńgime uiymdasqan toptyń áreketi týraly bolmaq. Aleksandr Potkin 7 jylǵa deiin bas bostandyǵynan aiyrylýy múmkin.
Al Potkinniń advokaty aiyp 2015 jyly bolǵan jaitpen bailanysty dep sanaidy. Sol jyly onyń qorǵaýshysy ekstremizm, ultaralyq alaýyzdyqty qozdyrǵany jáne aqshany jylystatqany úshin sotta isti boldy. Tergeý málimetinshe, ol bul aqshany BTA Bank salymshylarynan urlaǵan.
Potkinge jańa aiyp 2024 jyldyń qańtarynda taǵylǵan. Artynsha Ábliazovtiń sybailasyna federaldy, artynsha halyqaralyq izdeý jariialanǵan.
Eske salaiyq, advokat Jan Kúnserkin bankir Muhtar Ábliazovtiń isine qatysty jańa derekter aitqan bolatyn.
Kúnserkinniń sózinshe, 19 naýryzda Almatynyń Medeý aýdanyndaǵy № 2 sotta úkim shyǵyp, Nurǵazin Qýanyshty BTA banktegi qarjy jymqyrý isi boiynsha eskirý merzimine bailanysty jazadan bosatty. Aita keteiik, Qýanysh Nurǵazin – Muhtar Ábliazovtiń aǵasy.
"Sot Qýanysh Nurǵazindi aqtamady. Biraq isti qaraý barysynda BTA banktegi basqa aiyptalýshylardyń isteri boiynsha buryn sotta zerttelmegen keibir málimetter anyqtaldy. Bank aktsiialarynyń 62 paiyzy Áblázov Muhtarǵa tiesili ekeni belgili boldy. Iaǵni, onyń 2017 jyly óz aqshasyn urlaǵany úshin qalai kináli dep tanylǵany qazir múldem túsiniksiz", – deidi advokat áleýmettik jelidegi paraqshasynda.
Qazaqstanda Muhtar Ábliazov qylmystyq qoǵamdastyq quryp, BTA bankten 7,5 milliard dollardan asatyn qarajatty urlaǵany úshin kináli dep tanyldy. Eks-bankir elimizde ekstremistik uiym dep tanylǵan, tirkelmegen "Qazaqstannyń demokratiialyq tańdaýy" qozǵalysynyń jetekshisi.
