Ózin oppozitsionermin dep tanystyratyn qashyp júrgen qylmysker Muhtar Ábliazovtyń sońǵy analizderi dárigerlerdiń bir nárseden seziktenýine sebep boldy deidi, DALA INSIDE derekkózi. Bir sózben aitqanda, qaterlik isiktiń áldebir formasyna degen kúmán bar jáne ony aiaǵyna deiin anyqtaý úshin birneshe gistologiialyq jáne tomografiialyq tekserýden ótý qajet bolyp tur, dep habarlaidy Dalanews.kz
"Muhtar Ábliazovtyń 100 myń evro jinaý úshin habarlandyrý berýi tegin emes. Endi ol óz qaltasynan koordinatorlyq shtabty qarjylandyra almaidy. Sebebi tekserilý men tiisti emdelýge zor qarajat keteiin dep tur. Qazir onda aqsha resýrsy óte shekteýli", - deidi, derekkóz.
Onyń oiynsha, aldaǵy 2-3 jylda Ábliazov aqparattyq-saiasi arenadan birjolata ketedi. Qazir ol 62 jasta jáne densaýlyq máselesine kóbirek kóńil bólýge májbúr bolmaq. Bir jaǵynan oǵan Qazaqstandaǵy aqparattyq yqpalynyń salmaǵy múlde tómendep ketkeni de áser etýi tiis. Qazir Qazaqstan halqy Muhtar Ábliazov degen adamnyń bar ekendigin de umyta bastaǵany baiqalady.
"Ol óz zamanynda "Nazarbaev VS Ábliazov" saiasi tartysynyń qatysýshysy retinde qabyldandy. Nazarbaev saiasi arenadan ketkennen keiin Ábliazov ta óziniń aktýaldylyǵyn joǵaltty. Qazir oǵan eshkim nazar aýdarmaidy", - dep oi pishedi derekkóz.
Ábliazovtyń aýrýy qanshalyqty qaýipti? Ony tek dárigerler anyqtai alady. Otanynan qashyp júrip ómirden ótken oligarh Boris Berezovskiimen salystyratyn bolsaq, Boris Abramuly 67 jyl ómir súrgen bolatyn.
Muhtar Ábliazov 2017 jyly Almaty soty úkimimen 20 jylǵa bas bostandyǵynan aiyrý jazasyna kesilgen bolatyn. Qashyp júrgendikten onyń osy merzimi ótelgen joq. Jáne ol amnistiiaǵa ilikpeidi.
