ءوزىن وپپوزيسيونەرمىن دەپ تانىستىراتىن قاشىپ جۇرگەن قىلمىسكەر مۇحتار ءابليازوۆتىڭ سوڭعى اناليزدەرى دارىگەرلەردىڭ ءبىر نارسەدەن سەزىكتەنۋىنە سەبەپ بولدى دەيدى، DALA INSIDE دەرەككوزى. ءبىر سوزبەن ايتقاندا، قاتەرلىك ىسىكتىڭ الدەبىر فورماسىنا دەگەن كۇمان بار جانە ونى اياعىنا دەيىن انىقتاۋ ءۇشىن بىرنەشە گيستولوگيالىق جانە توموگرافيالىق تەكسەرۋدەن ءوتۋ قاجەت بولىپ تۇر، دەپ حابارلايدى Dalanews.kz
"مۇحتار ءابليازوۆتىڭ 100 مىڭ ەۆرو جيناۋ ءۇشىن حابارلاندىرۋ بەرۋى تەگىن ەمەس. ەندى ول ءوز قالتاسىنان كوورديناتورلىق شتابتى قارجىلاندىرا المايدى. سەبەبى تەكسەرىلۋ مەن ءتيىستى ەمدەلۋگە زور قاراجات كەتەيىن دەپ تۇر. ءقازىر وندا اقشا رەسۋرسى وتە شەكتەۋلى"، - دەيدى، دەرەككوز.
ونىڭ ويىنشا، الداعى 2-3 جىلدا ءابليازوۆ اقپاراتتىق-ساياسي ارەنادان ءبىرجولاتا كەتەدى. ءقازىر ول 62 جاستا جانە دەنساۋلىق ماسەلەسىنە كوبىرەك كوڭىل بولۋگە ءماجبۇر بولماق. ءبىر جاعىنان وعان قازاقستانداعى اقپاراتتىق ىقپالىنىڭ سالماعى مۇلدە تومەندەپ كەتكەنى دە اسەر ەتۋى ءتيىس. ءقازىر قازاقستان حالقى مۇحتار ءابليازوۆ دەگەن ادامنىڭ بار ەكەندىگىن دە ۇمىتا باستاعانى بايقالادى.
"ول ءوز زامانىندا "نازاربايەۆ VS ءابليازوۆ" ساياسي تارتىسىنىڭ قاتىسۋشىسى رەتىندە قابىلداندى. نازاربايەۆ ساياسي ارەنادان كەتكەننەن كەيىن ءابليازوۆ تا ءوزىنىڭ اكتۋالدىلىعىن جوعالتتى. ءقازىر وعان ەشكىم نازار اۋدارمايدى"، - دەپ وي پىشەدى دەرەككوز.
ءابليازوۆتىڭ اۋرۋى قانشالىقتى ءقاۋىپتى؟ ونى تەك دارىگەرلەر انىقتاي الادى. وتانىنان قاشىپ ءجۇرىپ ومىردەن وتكەن وليگارح بوريس بەرەزوۆسكييمەن سالىستىراتىن بولساق، بوريس ابرام ۇلى 67 جىل ءومىر سۇرگەن بولاتىن.
مۇحتار ءابليازوۆ 2017 جىلى الماتى سوتى ۇكىمىمەن 20 جىلعا باس بوستاندىعىنان ايىرۋ جازاسىنا كەسىلگەن بولاتىن. قاشىپ جۇرگەندىكتەن ونىڭ وسى مەرزىمى وتەلگەن جوق. جانە ول امنيستياعا ىلىكپەيدى.
