"Úkili úmit aqtalmady! Nege?
Menińshe, Semei sotynyń Semeide emes, Astanada jazylǵan teris sheshiminiń birneshe sebebi bar.
Birinshiden, Muqtar – jai top-menedjer emes. Ol atom ónerkásibi sekildi kez kelgen eldiń ekonomikasynda óz ornyn oiyp alatyn irgeli, strategiialyq salanyń jetekshisi bolǵan azamat. Jáne de onyń osy salany birjaqty, reseilik táýeldilikten qutqaryp, kópvektorly sipatta, sonyń ishinde damyǵan batys elderimen tyǵyz integratsiia negizinde damytý jolynyń jaqtasy bolǵanyn bárimiz de bilemiz.
Menińshe, bizdiń biliktegi reseilik lobbi onyń bostandyqqa shyǵyp, osy sala tóńiregindegi alyp-qashpa áńgimege túsinikteme berýin qalamady.
Muhtardyń túgingi sotta sóilegen dáiekti, shynshyl sóziniń ózi ne turady! Sotta osylai sóilese, bostandyqqa shyqqanda ne bolady?! Bilik osydan qorqyp otyr! Iaǵni, ol jaǵdaida on jyl buryn Muhtardy sottatqan klandardyń arty ashylar edi! «Eýraziiashyl» bizdiń bilik sol lobbisterge áli de moiynsunyp otyrǵanyn ap-anyq kórsetti!
