Alǵashqy suhbatynda-aq qazaqshasy úsh sóilemnen soń bitip qalǵan sheneýnik, ana tilimdi az kúnde úirenemin dep saspady. Biraq, Úkimettiń alǵashqy otyrysyna qatysqan kúnnen laýazymdy shendiniń qarqyny qatty. Eks-ministr Tamara Dúisenovanyń qatelikterin qaitalamaimyn, jumyssyzdar máselesin az ýaqytta sheshemin dep otyr, dep habarlaidy 31 arna.
Ótken aptadaǵy otyrysta prezidentten tek eskertý alyp, jyly oryndarynda qalǵannan keiin be Úkimet músheleriniń kóńil kúileri jaqsy. Qyzmetimen qoshtasqan jalǵyz shendi Tamara Dúisenovanyń ornyn basqan sý jańa ministr Mádina Ábilqasymova tipten kóńildi. Sheneýniktiń máz bolatyndai jóni bar sekildi.
Premerge eks-ministr 5 jyl sheshe almai prezidentten sóz estigen jumyssyzdar máselesin az ýaqytta retteimin dep baiandady.
Ol úshin zańǵa ózgeris engizip, ózin ózi belgisiz jumyspen qamtyp júrgen 3 million azamatty resmi tirkep, olarǵa memleketke salyq tóletpek.
“Bizde shamamen 2-3 million ózin ózi jumyspen qamtamasyz etip júrgen adam bar. Olar eshqandai salyq tólemeidi, zeinetaqy qoryna qarjy aýdarylmaidy. Mindetti saqtandyrý qoryna da qatysa almaidy. Biz osyny retteý úshin jańa zań ázirlep jatyrmyz”, – deidi QR Eńbek jáne halyqty áleýmettik qorǵaý ministri.
Ministr bolǵanyna bar-joǵy tórt kún ótken Mádina Ábilqasymova qaitarylǵan mindetti saqtandyrý jobasyn da retteimin dep qarqyndy. Qaraǵandydaǵy kenshiler men Astanadaǵy Ábý Dabidegi eńbek daýlaryn sheshýdiń jańa erejelerin bekitýdi de usyndy.
Úkimette osynyń bárin tek oryssha baiandap shyqqan Mádina Erasylqyzy tilshilerdiń memlekettik tilde qoiǵan saýaldaryna jaýap bergisi kelmei, qazaqsha sóilem qurai almai qinaldy.
Ana tilińizdi qashan úirenesiz degen saýalǵa múdirgen ministrdiń ornyna hatshysy jaýap berip, basshysyn jetektep alyp ketti.
“Daiyndalyp qazaq tilinde suhbat beremin. Úsh tórt aidyń kóleminde”
– deidi ministr.
https://youtu.be/GLaq_xh5Kjo
