العاشقى سۇحباتىندا-اق قازاقشاسى ٷش سٶيلەمنەن سوڭ بٸتٸپ قالعان شەنەۋنٸك, انا تٸلٸمدٸ از كٷندە ٷيرەنەمٸن دەپ ساسپادى. بٸراق, ٷكٸمەتتٸڭ العاشقى وتىرىسىنا قاتىسقان كٷننەن لاۋازىمدى شەندٸنٸڭ قارقىنى قاتتى. ەكس-مينيستر تامارا دٷيسەنوۆانىڭ قاتەلٸكتەرٸن قايتالامايمىن, جۇمىسسىزدار مەسەلەسٸن از ۋاقىتتا شەشەمٸن دەپ وتىر, دەپ حابارلايدى 31 ارنا.
ٶتكەن اپتاداعى وتىرىستا پرەزيدەنتتەن تەك ەسكەرتۋ الىپ, جىلى ورىندارىندا قالعاننان كەيٸن بە ٷكٸمەت مٷشەلەرٸنٸڭ كٶڭٸل كٷيلەرٸ جاقسى. قىزمەتٸمەن قوشتاسقان جالعىز شەندٸ تامارا دٷيسەنوۆانىڭ ورنىن باسقان سۋ جاڭا مينيستر مەدينا ەبٸلقاسىموۆا تٸپتەن كٶڭٸلدٸ. شەنەۋنٸكتٸڭ مەز بولاتىنداي جٶنٸ بار سەكٸلدٸ.
پرەمەرگە ەكس-مينيستر 5 جىل شەشە الماي پرەزيدەنتتەن سٶز ەستٸگەن جۇمىسسىزدار مەسەلەسٸن از ۋاقىتتا رەتتەيمٸن دەپ باياندادى.
ول ٷشٸن زاڭعا ٶزگەرٸس ەنگٸزٸپ, ٶزٸن ٶزٸ بەلگٸسٸز جۇمىسپەن قامتىپ جٷرگەن 3 ميلليون ازاماتتى رەسمي تٸركەپ, ولارعا مەملەكەتكە سالىق تٶلەتپەك.
“بٸزدە شامامەن 2-3 ميلليون ٶزٸن ٶزٸ جۇمىسپەن قامتاماسىز ەتٸپ جٷرگەن ادام بار. ولار ەشقانداي سالىق تٶلەمەيدٸ, زەينەتاقى قورىنا قارجى اۋدارىلمايدى. مٸندەتتٸ ساقتاندىرۋ قورىنا دا قاتىسا المايدى. بٸز وسىنى رەتتەۋ ٷشٸن جاڭا زاڭ ەزٸرلەپ جاتىرمىز”, – دەيدٸ قر ەڭبەك جەنە حالىقتى ەلەۋمەتتٸك قورعاۋ مينيسترٸ.
مينيستر بولعانىنا بار-جوعى تٶرت كٷن ٶتكەن مەدينا ەبٸلقاسىموۆا قايتارىلعان مٸندەتتٸ ساقتاندىرۋ جوباسىن دا رەتتەيمٸن دەپ قارقىندى. قاراعاندىداعى كەنشٸلەر مەن استاناداعى ەبۋ دابيدەگٸ ەڭبەك داۋلارىن شەشۋدٸڭ جاڭا ەرەجەلەرٸن بەكٸتۋدٸ دە ۇسىندى.
ٷكٸمەتتە وسىنىڭ بەرٸن تەك ورىسشا بايانداپ شىققان مەدينا ەراسىلقىزى تٸلشٸلەردٸڭ مەملەكەتتٸك تٸلدە قويعان ساۋالدارىنا جاۋاپ بەرگٸسٸ كەلمەي, قازاقشا سٶيلەم قۇراي الماي قينالدى.
انا تٸلٸڭٸزدٸ قاشان ٷيرەنەسٸز دەگەن ساۋالعا مٷدٸرگەن مينيستردٸڭ ورنىنا حاتشىسى جاۋاپ بەرٸپ, باسشىسىن جەتەكتەپ الىپ كەتتٸ.
“دايىندالىپ قازاق تٸلٸندە سۇحبات بەرەمٸن. ٷش تٶرت ايدىڭ كٶلەمٸندە”
– دەيدٸ مينيستر.
https://youtu.be/GLaq_xh5Kjo
