Ábdibaqyt Maqulbaev: "Kentaýdyń damý kontseptsiiasy qalanyń ajaryn asha túspek"
«Áýelgi baǵyt - ónerkásip salasyn damytý, shaǵyn jáne orta kásipkerlikti ilgeriletý, sondai-aq aýyl sharýashylyǵy salasy jáne áleýmettik nysandardyń jáne injenerlik infraqurylymdardy jańǵyrtý.
Máselen, Kentaýda jalpy 2018-2025 jyldary ónerkásip salasynda jobalyq quny 55,5 mlrd teńgeni quraityn 9 investitsiialyq jobany iske asyrý kózdelýde. 2018 jyly shaǵyn orta biznes salasynda 760,0 mln teńgege 151 joba qarjylandyrylyp, 265 adam jumyspen qamtylatyn bolady», - dedi Ábdibaqyt Tillábaiuly.
Qala ákiminiń málimdeýinshe, jyl sońyna deiin qala jáne aýyl halqy tolyq ortalyqtandyrylǵan taza sýmen qamtylatyn bolady.
Tabiǵi gazben qamtasyz etý úshin 2018 jyldan bastap ishki oram júieleriniń qurylysy júrgizilip, 2021 jylǵa deiin qala jáne aýyl turǵyndary 100 paiyz tabiǵi gazben qamtý josparlanýda.
«Óńirlerdi damytý - 2020» jáne «Nurly jer» memlekettik baǵdarlamalary aiasynda 2018-2025 jyldary bir tiptik úlgidegi 5-qabatty 60 páterli 37 turǵyn úidiń qurylysyn júrgizilip, turǵyn úige muqtaj, kezekte turǵan 2 220 otbasy kommýnaldyq turǵyn úimen qamtylady.
